Upppsagnir hjá slökkviliðinu á Akureyri
Þorbjörn Haraldsson slökkviliðsstjóri á Akureyri segir að það sé ákveðinn missir fyrir slökkviliðið að samningurinn við Isavia skyldi ekki hafa verið endurnýjaður. "Þetta er verktakasamningur sem við höfum notið góðs af fyrir heildarstarfssemi slökkviliðsins. En við verðum með öflugt lið hér eftir sem hingað til."
Þorbjörn segir að allt sé gert til þess að milda áhrifin vegna uppsagnanna, m.a. hafi mönnum verið boðið að taka launalaust leyfi í allt að 18 mánuði, þar sem ýmislegt geti breyst á þeim tíma. Einn starfsmaður hafi þegið það og frestar það því uppsögn hjá einum á uppsagnarlista. Þá hafi einir fjórir slökkviliðsmenn sótt um starf hjá Isavia á Akureyrarflugvelli. "Isavia ætlar að ganga frá ráðningum fyrir 15. september og þá ætti að skýrast hvort eitthvað af mínum mönnum fer að vinna þar." Fram til þessa hafa 33 slökkviliðsmenn verið á vöktum en þeir verða 23 eftir 1. desember. Þorbjörn segir að á dagvöktum verði fækkað úr 7 í 5 og á næturvöktum verði einnig fækkað um einn úr 5 í 4.
Slökkviliðið hefur einnig haft með höndum sjúkraflug á landsbyggðinni og sjúkraflutninga á landi. Samningar þar að lútandi eru aðeins til eins árs og það er eitthvað sem Þorbjörn segir að menn vildu sjá breytast og að samið verði til lengri tíma í senn. "Við erum með samning út þetta ár við Sjúkratryggingar varðandi sjúkraflugið en höfum jafnframt vilyrði fyrir því að samið verði við okkur áfram um næsta ár. Það er samt ekkert atvinnuöryggi í því að sitja með verktakasamninga til 12 mánaða í senn. Skömmu eftir að búið er að ganga frá samningi, þarf að setjast niður og gera nýjan samning um næsta ár. Þetta höfum við búið við bæði með sjúkraflugið og sjúkraflutninga á landi. Ég hefði viljað gera samninga um þessi verkefni til þriggja ára, því öll stöðugildin okkar miðast við þetta. Gagnvart sjúkrafluginu erum við með hálft stöðugildi í gangi og gagnvart sjúkraflutningunum erum við með fjögur stöðugildi. Það er bagalegt að ekki sé hægt að gera samninga til lengri tíma, þótt rætt sé um krónur og aura þess á milli. Við þurfum að vera búnir að ganga frá samningum þremur mánuðum fyrir áramót og það tengist m.a. uppsagnarfresti starfsmanna gangi samningar ekki, en samningsaðilar okkar vita oft ekki stöðuna gagnvart fjárveitingum ríkisins fyrr en í október eða nóvember," segir Þorbjörn.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
