Upplýsingar um utanþingsstjórn komu ekki frá Ólafi Ragnari
Sigmundur Davíð Gunnlaugsson þingmaður Framsóknarflokks. Mynd: Heiddi Gutta
Dagskrain.is sagði frá því í gær að Sigmundur Davíð Gunnlaugsson þingmaður Framsóknarflokks og fyrrverandi forsætisráðherra hafi sagt frá því á fundi með Framsóknarmönnum á Akureyri á laugardag; að Ólafur Ragnar Grímsson forseti Íslands hefði á fundi þeirra á Bessastöðum 5. apríl s.l. tjáð honum að hann væri tilbúinn með utanþingsstjórn. Í henni yrði Einar K. Guðfinnsson forsætisráherra, og Már Guðmundsson seðlabankastjóri yrði fjármálaráðherra. Einnig hafi verið nefndir til sögunnar Þorsteinn Pálsson og Friðrik Sophusson. Hið rétta er að Sigmundur Davíð hafði þessar upplýsingar ekki frá Ólafi Ragnari sjálfum heldur hefði hann fengið þetta staðfest annars staðar frá.
„Fyrst þegar hann [Sigmundur Davíð] hringdi í Ólaf, þegar Ólafur var enn erlendis og þeir ákváðu að hittast, þá fann hann að það var eitthvað í gangi,- segir hann. Svo fékk hann þetta staðfest einversstaðar, að þetta væri í bígerð, þessi utanþingsstjórn væri bara klár og Ólafur ætlaði bara að setja hana á. Sigmundur nefndi þessi nöfn og að hann hefði fengið staðfest með þessi tvö fyrstu en hin hefði hann bara heyrt og væri ekki með staðfest. Hvaðan hann fékk þetta staðfest allt saman það veit ég ekki,“ segir heimildamaður dagskrárinnar.is. um það sem Sigmundur Davíð sagði á fundinum á Akureyri á laugardag.
Dagskrain.is hafði samband við Jóhannes Þór Skúlason aðstoðarmann Sigmundar Davíðs og leitaði svara við því hvaðan Sigmundur Davíð hefði þessar upplýsingar staðfestar. „Ég hef svo sem engu við þetta að bæta, nema að það var svo sem ýmislegt rætt á þessum fundi. Svona hitt og þetta varðandi þessa atburðarrás alla,“ sagði Jóhannes Þór og bætti við að hann ætti ekki von á að Sigmundur Davíð vilji bæta neinu við þetta. „Ég held að hann ætli ekkert að ræða þetta strax í fjölmiðlum,“ sagði hann. /epe.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.