Unnið af fullum krafti að stofnun nýs sparisjóðs á Akureyri
Jóhann Ingólfsson formaður stjórnar Sparisjóðs Höfðhverfinga segir að enn sé við það miðað að nýi sparisjóðurinn taki til starfa á Akureyri í haust, "og það styttist í haustið." Sparisjóðurinn verður til húsa að Glerárgötu 36 og segir Jóhann að verið sé að skoða ýmislegt varðandi innréttingar, starfsmannamál og fleira. "Við erum í þessu undirbúningsferli og það fer nú að sjá fyrir endan á því. Áræðanleikakönnunin er búin og hún kom vel út. Það kom heldur ekkert nýtt fram þar og niðurstaðan hefur verið kynnt öllum hlutaðeigandi aðilum. Við erum að ljúka við að uppfylla öll þau skilyrði sem þarf fyrir stofnfjáraukinguna."
Jóhann segir að fréttir af málefnum annarra sparisjóða, m.a. Sparisjóðs Svarfdæla, hafi aðeins verið að trufla undirbúninginn. "Það er samt ekkert sem tefur okkur í því sem við erum að gera og við höfum sagt að við séum ekki tilbúnir að skoða neitt með formlegum hætti fyrr en við værum búnir að koma nýja sparisjóðnum á Akureyri í gang. En það er þrýstingur á að skoða þessi mál," segir Jóhann.
KEA á nú 35% stofnfjár í Sparisjóði Höfðhverfinga og hyggst auka eign sína í tæplega 50%. Sænes hf., sem er hlutafélag í eigu Grýtubakkahrepps, mun tvöfalda eignarhlut sinn eða í 20% og Akureyrarbær mun einnig eignast allt að 20% af stofnfé í þessari aukningu. Jóhann segir að Sænes og Akureyrarbær þurfi leyfi Fjármálaeftirlitsins til að eiga meira en 10% í fjármálafyrirtæki en það eigi ekki að verða neinn þröskuldur í þessu ferli.
Markmiðið er að bjóða almenningi kaup á stofnfé í sjóðnum og Akureyrarbær hyggst selja sitt stofnfé til almennings þegar uppbygging starfseminnar á Akureyri er komin vel á veg. Fjárhagslegur styrkur sjóðsins er mikill en svokallað cad-eiginfjárhlutfall er nú um 14%. Eftir stofnfjáraukninguna og opnun sparisjóðs á Akureyri verður fjárhagsstaða sjóðsins afar sterk og sú besta meðal íslenskra fjármálafyrirtækja. Enginn sparisjóður er nú starfandi á Akureyri en þeir voru á árum áður tveir sem sameinuðust í Sparisjóð Norðlendinga sem síðar rann inn í BYR hf.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
