Ungkarlakór frá USA á Norðurlandi um helgina
Ungkarlakór Pennsylvania State háskólans í Bandaríkjunum, Penn State Glee Club, er í heimsókn á Íslandi þessa dagana. Kórinn telur um 50 manns, allt stúdentar við skólann og á aldrinum 18-22 ára. Kórinn á sér langa sögu, stofnaður árið 1888 og hefur í gegnum tíðina ferðast um allan heim. Kórinn kom fram í Tjarnarsal Ráðhúss Reykjavíkur miðvikudaginn 18. maí og heimsótti Skálholtskirkju s.l. fimmtudag.
Piltarnir munu einnig gleðja Norðlendinga með söng sínum í Húsavíkurkirkju á morgun, laugardaginn 21. maí kl. 17 og syngja við messu í Akureyrarkirkju sunnudaginn 22. maí kl. 11. Á dagskrá eru lög úr ýmsum áttum frá klassískum verkum til þjóðlaga og gospeltónlistar. Enginn aðgangseyrir er að tónleikum kórsins. Stjórnandi er Christopher Kiver en hann hefur hlotið viðurkenningar fyrir störf sín að kórmálum, m.a. tvenn Grammy verðlaun.
Íslendingar þekkja vel karlakóramenningu en þó er ekki vaninn að slíkur kór sé skipaður eingöngu mönnum á þessum aldri. Kórinn er þekktur fyrir einstaklega fágaðan söng og hefur oft komið fram á þingum bandarískra kórstjórasambanda þar sem verið er að sýna það besta í faginu. SÞ/js
Nýjast
-
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu. -
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr. -
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1.
