Umtalsvert aukin aðsókn var að öllum skíðasvæðum á landinu
Umtalsvert aukin aðsókn var að öllum skíðasvæðum á landinu. Skíðaveturinn hófst snemma. Fyrsta skíðasvæðið sem var opnað var skíðsvæðið á Dalvík en þar hófst vertíðin 25. október 2008. Flest skíðasvæðin á Norðurlandi fylgdu fljótlega í kjölfarið. Skíðavæði í öðrum landshlutum voru komin í fullan rekstur um miðjan desember. Síðustu skíðasvæðunum var lokað 3. maí en það voru Hlíðarfjall ofan Akureyrar, og skíðasvæðin á Siglufirði og Seyðisfirði. Sérstaklega var febrúar mánuður mjög góður enda eru vetrarfrí í grunnskólum orðinn fastur liður í skólastarfi flestrar grunnskóla.
Greinilegt er að margir lögðu land undir fót og heimsóttu skíðavæði víðs vegar um landsbyggðina. Skíðaiðkunn er orðin stór þáttur í vetrarferðaþjónustu á landsbyggðinni. Sífellt fleiri heimsækja skíðasvæðin á landsbyggðinni á sama tíma og öll aðsóknarmet eru slegin á skíðasvæðum höfuðborgarsvæðisins. Mjög góð sala á skíða- og brettabúnaði í skíðavöruverslunum landsins hélst í hendur við þessa stórauknu aðsókn á skíðasvæðin. Einnig var áberandi gríðarleg spurn eftir notuðum búnaði og voru dæmi um að söluaðilar hefðu langa biðlista eftir slíku.
Heildaraðsókn veturinn 2007-2008 var 170.000 gestir.
Heildaraðsókn veturinn 2008-2009 var 241.000 gestir. Aukning frá fyrra ári um 42%.
Aðóknartölur meðal helstu skíðasvæðanna:
Aðsókn í Bláfjöllum 84.599
Aðsókn í Hlíðarfjalli 66.750
Aðsókn á Ísafirði 22.000
Aðsókn í Oddsskarði, Fjarðarbyggð 18.000
Meðal þess sem Samtök skíðasvæða á Íslandi stóðu fyrir á þessum vetri var að gefa út bæklinginn "Almennu skíðareglurnar". Þar er um að ræða bækling sem fjallar um almennar umgengis- og öryggisreglur fyrir skíða- og snjóbrettafólk á skíðavæðum. Ársfundur Samtaka skíðavæða verður haldinn á Seyðisfirði í dag og á morgun. Þar ræða forsvarsmenn það sem hæst hefur borið í vetur og bera saman bækur sínar.
Nýjast
-
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann.