Umferðarspá í Vaðlaheiðargöngum mjög varfærin
Steingrímur J. Sigfússon fjármálaráðherra sagði á fundi umhverfis- og samgöngunefndar Alþingis í morgun, að hann sæi ekkert því til fyrirstöðu að ljúka fjármögnunarsamningi við stjórn Vaðlaheiðarganga um framkvæmdir við Vaðlaheiðargöng. Hann vonast til að hægt verði að ljúka undirbúningi á allra næstu vikum. Steingrímur sagði að umferðarspá um göngin væri mjög varfærin og hann taldi mun meiri líkur á að umferð myndi aukast umtalsvert með tilkomu gangnanna.
Steingrímur nefndi í því sambandi að það væri uppgangur á Eyjafjarðarsvæðinu og að stefnt væri að umtalsverðri uppbyggingu í Þingeyjarsýslu. Ögmundur Jónasson innanríkisráðherra sagðist fylgjandi Vaðlaheiðargöngum en hann ítrekaði þá afstöðu sína framkvæmdin byggðist algerlega á efnahagslegum forsendum og að veggjaldið standi undir kostnaði og greiðslu lána.
MP banki hefur farið yfir forsendurnar fjármögnunnar fyrir stjórn Vaðlaheiðarganga og sagði Arnar Guðmundsson fulltrúi bankans á fundinum að verkefnið geti gengið eftir eftir og staðið undir lánum. Rætt er um að veggjaldið verði 993 krónur með virðisaukaskatti og að lánin yrðu greidd upp á 25-30 árum. Fram kom hjá Arnari að miðað væri við að ef gjaldið yrði lækkað um 10%, miðað við það sem nú væri lagt upp með, þýddi það þriggja ára lengingu á lánstíma, t.d. úr 25 árum í 28 ár.
Um 86% Akureyringa eru fylgjandi eða mjög fylgjandi Vaðlaheiðargöngum, samkvæmt því sem fram kemur í nýrri skoðanakönnun. Þetta kom fram í máli Péturs Þórs Jónassonar stjórnarmanns í Vaðlaheiðargöngum fundinum í morgun. Ekki kom fram hjá Pétri Þór hver framkvæmdi könnunina. Hann sagði jafnframt að í eldri könnun, sem gerð var meðal íbúa í Eyjafiði og Þingeyjarsýslu, hefðu 92% aðspurðra verið fylgjandi framkvæmdinni. Pétur Þór sagði að aðilar í ferðaþjónustu t.d. eigendur hópferðabíla væru mjög fylgjandi Vaðlaheiðargöngum og myndu nýta þau og að það sama ætti við um alla aðra þungaflutninga.
Kostnaður við undirbúning framkvæmdarinnar er nú um 320 milljónir króna og kom fram á fundinum að Vegagerðin hefði greitt þann kostnað. Fjármálaráðherra sagði ekkert óeðlilegt við að Vegagerðin hafi greitt þessa upphæð. Framkvæmdin verði eign ríkisins þegar hún hefði verið greidd upp og hún yrði hluti af samgöngukerfi landsins. Mjög skiptar skoðanir komu fram meðal þingmanna í umhverfis- og samgöngunefnd við umræðuna í morgun. Þór Saari þingmaður Hreyfingainnar tók þar dýpst í árinni og taldi að verkefnið gæti alls ekki staðið undir sér. Hann taldi mikilvægt að óháður aðili færi yfir allar forsendur og tóku fleiri þingmenn undir það.
Nýjast
-
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1. -
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí.
