Umferð um Múlagöng gæti farið upp í 600 bíla á dag
Jón Þorvaldur bendir á að samkvæmt norskum stöðlum um einbreið jarðgöng sé viðunandi umferð um 300 bílar að meðaltali á dag, en ljóst sé að Múlagöngin hafi fyrir löngu sprengt þann staðal. „Nú er spurning hvaða áhrif það hefur ef umferð eykst til muna um Múlagöng og hvort aukin umferð hafi fælingarmátt í för með sér fyrir ferðamenn. Mörgum þykir óþægilegt að aka um einbreið göng nú þegar, en ef umferðaröngþveiti skapast í göngunum mun það örugglega fæla einhverja frá því að fara um þau," segir Jón Þorvaldur. „Maður vonar það besta en við vitum ekki enn hver sársaukamörk umferðarinnar eru."
Jón Þorvaldur velti upp nokkrum spurningum í fyrirlestri sem hann hélt við Háskólann á Akureyri nýlega og varða Héðinsfjarðargöngin og tilkomu þeirra. Meðal annars hvort ferðamenn sem koma til Akureyrar muni í auknum mæli fara út með Eyjafirði á leið sinni til baka í stað þess að aka sömu leið yfir Öxnadalsheiði. Leiðin um Siglufjörð sé nokkru lengri, um 100 kílómetrum, en að mörgu leyti fallegri og þá hafi ferðalangar viðkomu í fjölda norðlenskra bæja.
„En ég held að það sé ekki spurning að göngin skapa tækifæri m.a. í ferðaþjónustu í Eyjafirði öllum og á Norðurlandi. Þetta er landssvæði sem að mörgu leyti má segja að sé vannýtt auðlind, hér er margt í boði sem hefur farið framhjá mönnum," segir hann. Hann nefnir að mikil tækifæri séu fyrir hendi hvað Siglufjörð varðar, bærinn hafi mikið aðdráttarafl og sérstöðu meðal íslenskra bæja, umhverfið sé sérstakt og saga bæjarins. „Siglufjörður er enn einn konfektmolinn sem Norðlendingar hafa upp á að bjóða," segir Jón Þorvaldur.
Þá nefndi hann að síðar kæmi í ljós hvernig íbúar þéttbýlisstaðanna, Ólafsfjarðar og Siglufjarðar myndu líta göngin. „Það má velta því fyrir sér hvort þeir lítið svo á að þau séu eins konar innanbæjargata, þetta eru aðeins 15 kílómetrar eða jafnlangt og úr miðbæ Reykjavíkur og upp í Mosfellsbæ."
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.