Umfang rekstrar KA aldrei meiri, 45 mkr hagnaður á liðnu ári.
Aðalstjórn KA: Vignir Már Þormóðsson, Eiríkur S. Jóhannsson formaður, Sigríður Jóhannsdóttir og Hjalti Þór Hreinsson. Á myndina vantar Lindu Ívarsdóttur Myndir ka.is
Aðalfundur Knattspyrnufélags Akureyrar var haldinn í í KA-Heimilinu á þriðjudaginn þar sem Eiríkur S. Jóhannsson formaður félagsins fór yfir skýrslu stjórnar og liðið ár. Síðasta rekstrarár var það stærsta í sögu félagsins og hefur velta félagsins aldrei verið jafn mikil eins og árið 2023.
Stjórn félagsins var endurkjörin en ásamt Eiríki þá sitja í stjórn félagsins þau Vignir Már Þormóðsson, Sigríður Jóhannsdóttir, Linda Ívarsdóttir og Hjalti Þór Hreinsson auk þess sem Arna Hrönn Skúladóttir er varamaður.
Sögunefnd KA er skipuð þeim Hrefnu Torfadóttur, Ágústi Stefánssyni, Vigni Má Þormóðssyni, Hlyni Þormóðssyni og Lindu Ívarsdóttur. Þá skipa Jakobssjóð þeir Bjarni Áskelsson, Ingvar Már Gíslason og Magnús Sigurður Sigurólason.
Rekstur félagsins var góður á árinu 2023 en rekstrartekjur félagsins námu rúmum 822 milljónum kr, meðan rekstargjöld voru rúmar 777 miljónir kr. Eftir fjármunatekjur og fjármagnsgjöld var hagnaður félagsins því rúmar 45 milljónir kr.
Efnahagur félagsins stendur einnig vel en eignir félagsins eru tæpar 284 milljónir kr og þar af eru veltufjármunir rúmar 151 milljón kr.
,,Framundan eru spennandi tímar hjá félaginu þar sem framkvæmdir á íþróttasvæðinu eru að hefjast og munum við sjá miklar breytingar á félagssvæði okkar næstu misseri. Glæsileg félagsaðstaða verður byggð samhliða nýjum keppnisvelli fyrir knattspyrnu með stúku."
Félagsgjöld voru ákveðin 6.000 kr og er félagsmönnum bent á að hægt er að hafa samband við Arnar Gauta (gauti@ka.is) til að ganga frá greiðlsu þeirra.
Frá þessu segir á ka.is
Nýjast
-
Sunnudagsviðtalið Greindist sem geimvera og stofnar leiklistarskóla
Pétur Guðjónsson hefur komið víða við í menningarlífinu á Norðurlandi. Leiklistin hefur þar verið fyrirferðamikil en hann hefur glímt við stórt verkefni að undanförnu, eitt það stærsta að hans sögn; að vinna sig úr kulnun. Í sunnudagsviðtalinu deilir hann með okkur ferðalaginu upp úr kulnun sem er að hans sögn eins mismunandi og við erum mörg. -
Sundlaugin í Hrísey fagnar 60 ára afmæli
Nýir sauna- og infrarauðir klefar voru teknir í notkun í Sundlauginni í Hrísey í tilefni þess að laugin á 60 ára afmæli um þessar mundir og 16 ár eru liðin frá vígslu Íþróttamiðstöðvarinnar. -
Aðgerðarstjórn almannavarna fær stærra húsnæði
Aðgerðarstjórn almannavarna í umdæmi Lögreglustjórans á Norðurlandi eystra hefur skrifað undir nýjan húsaleigusamning Aðgerðarstjórn verður sem fyrr í húsnæði Súlna björgunarsveitar að Hjalteyrargötu 12 Akureyri. Aðstaðan mun færast til í húsnæðinu þar sem hún fær stærra og hentugra rými. Reiknað er með að ný aðstaða verði til seinnipart sumars eða byrjun hausts. -
Enginn veit hvað átt hefur...
Sigurjón Pálsson skrifar um skipulagsmál -
Sæmþætting íþrótta- og skólastarfs gefist vel
,,Veruleikinn í íþróttastarfi er sá að ef menn eru ekki á leiðinni áfram, þá er það stöðnun og stöðnun er afturför," segir Jónas Halldór Friðriksson, framkvæmdastjóri Völsungs. -
Slys á vatnsverndarsvæði Norðurorku
Eins og fram hefur komið í fjölmiðlum varð alvarlegt rútuslys við Fagranes í Öxnadal í gær. Viðbúnaður viðbragðsaðila var mikill og aðkoma starfsfólks Norðurorku einnig þar sem slysið varð inn á vatnsverndarsvæði fyrirtækisins sem nær m.a. inn að vatnaskilum á Öxnadalsheiði -
Samningar við PCC í höfn
Síðdegis í gær náðist samkomulag milli PCC BakkiSilicon og Framsýnar/Þingiðnar um kjarasamning fyrir hönd starfsmanna fyrirtækisins til næstu fjögurra ára. Þetta kemur fram í tilkynningu frá stéttarfélaginu. -
Tveimur haldið sofandi en með stöðug lífsmörk
Alls voru 22 erlendir ferðamenn í rútunni sem valt. 5 voru fluttir með þyrlu og sjúkraflugvélum á Landspítalann og þar á gjörgæsludeild. Tveimur er haldið sofandi í öndunarvél en eru sagðir vera með stöðug lífsmörk. 5 voru lagðir inn á Sjúkrahúsið á Akureyri. Nánari upplýsingar um áverka liggja ekki fyrir hjá lögreglu á þessari stundu. -
Kjarnaskógur eitt öflugasta lýðheilsumannvirki landsins
„Á stundum eins og verið hafa undanfarið, þegar skítviðri geisar og hundi er vart út sigandi reiknar maður ekki með mikilli traffík hér í Kjarnaskógi en raunin er allt önnur og undirstrikar samfélagsverðmætin,“ segir Ingólfur Jóhannsson framkvæmdastjóri Skógræktarfélags Eyjafjarðar. Fjölmörg verkefni eru fram undan þegar „vetrarveðri“ um sumar slotar.
Athugasemdir