Um 100 háskólamenntaðir án vinnu á Akureyri
Alls eru 808 manns á Norðurlandi eystra án atvinnu, 391 karl og 417 konur. Norðurland eystra er það svæði sem hefur náð hröðustum bata. Þar er nú 4,5% atvinnuleysi miðað við 6,8% á landsvísu. Án atvinnu á Akureyri eru 537, 258 karlar og 279 konur. Að fullu án atvinnu eru 410 manns, 227 karlar og 183 konur. Alls eru 127 manns, 76 karlar og 51 kona, á aldrinum 18-25 ára án atvinnu. Allt það fólk er í virkni, þar af yfir 100 manns í Virkinu í Rósenborg.
Á aldrinum 26-29 ára eru 79 manns án atvinnu, 34 karlar og 45 konur. Til stendur að vinna sérstaklega með þann hóp. Samtals 226 á aldrinum 30-55 ára eru án atvinnu, 90 karlar og 136 konur. Á aldrinum 56-70 ára eru 105 án vinnu, 58 karlar og 47 konur. Námskeið var haldið fyrir 60-70 ára í síðustu viku og var afar vel sótt. Samanburður sem gerður var á menntunarstöðu fólks á atvinnuleysisskrá sýnir að frá október 2009 til október 2011 hefur hlutfallið breyst. Háskólamenntuðum fjölgar úr 11% í 19%. Á Akureyri eru um 100 háskólamenntaðir án atvinnu. Iðnaðarmenn voru 14% en eru nú 9%. Flestir þeirra sem eru á skrá eru úr verslunar- og þjónustugeiranum, þetta kemur fram í fundargerð frá síðasta fundi almannaheillanefndar Akureyrarbæjar, sem haldinn var í byrjun þessa mánaðar.
Þar kemur einnig fram hjá fulltrúum Fagfélagsins og Einingar-Iðju, að nokkuð bjart útlit er hjá byggingamönnum og vinna hjá þeim að aukast. Verkefni á vegum bæjarins eru mikil og skipta máli. Á Akureyri kvarta menn helst yfir launum en á höfuðborgarsvæðinu er aðaláhyggjuefnið að halda vinnu. Mjög mikil ásókn er í sjúkrasjóði félaganna. Fólk er meðvitað um rétt sinn og mikið er spurt um útreikninga á desemberuppbót þessa dagana. Samkvæmt nýrri könnun kemur svæðið vel út í samanburði við aðra landshluta sé horft til heildarlauna.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.