Uggandi yfir íbúabyggð í Kotárborgum
Reisa á nýtt hverfi í Kotárborgum samkvæmt drögum að aðalskipulagi Akureyrar. Mynd/Þröstur Ernir
Íbúar í Gerðahverfi á Akureyri og nálægum svæðum eru uggandi yfir fyrirhuguðum framkvæmdum bæjaryfirvalda í Kotárborgum. Í aðalskipulagi Akureyrarbæjar er gert ráð fyrir nýju hverfi í Kotárborgum og að þar muni rísa alls 260 nýjar íbúðir. Alvarlegar athugasemdir hafa verið gerðar við skipulagið af íbúum í hverfinu, þar sem m.a. er bent á að ný íbúabyggð muni eyðileggja frábært útivistarsvæði sem að hluta til er á náttúruminjaskrá og mikið nýtt af Akureyringum.
Bent er á að Kotárborgir séu klettaborgir þar sem jarðvegur er lítill sem enginn svo búast má við mikilli röskun og truflun fyrir nágranna á framkvæmdatíma þegar verktakar munu þurfa að sprengja og fleyga klöppina í 2-3 ár fyrir hvern húsgrunn.
Þá er einnig lagt til í skipulaginu að hverfisleikskólinn, Pálmholt, verði lagður niður og því enginn nálægur leikskóli í hverfinu.
Á morgun, þriðjudag verður íbúafundur í Hofi kl. 17:00 þar sem nýtt aðalskipulag Akureyrar verður rætt og búast við heitum umræðum um þetta tiltekna mál. Aðalskipulagið er á vinnslustigi og gefst íbúum kostur á að koma með ábendingar og athugasemdir áður en það fer í formlegt ferli. Frestur til þess rennur út fimmtudaginn 20. apríl.
Nánari umfjöllun um þetta mál verður í prentútgáfu Vikudags á fimmtudaginn kemur.
Nýjast
-
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna.