Tveir sjúklingar sóttir í sjúkraflugi til Grænlands
Þyrlan kemur með fyrri sjúklinginn til Kulusuk. Mynd af vef Slökkviliðs Akureyrar.
Flogið var sjúkraflug frá Akureyri til Grænlands sl. fimmtudag á sérútbúinni flugvél Mýflugs. Í áhöfn voru tveir flugmenn frá Mýflugi, tveir neyðarflutningamenn frá Slökkviliðinu á Akureyri og tveir fluglæknar frá Sjúkrahúsinu á Akureyri. Þetta er í fyrsta skipti sem fluttir eru tveir gjörgæslusjúklingar með sérútbúinni sjúkraflugvél Mýflugs og má því segja að þetta hafi verið ákveðin þolraun á búnaði vélarinnar þar sem tæki og búnaður voru nýtt til hins ýtrasta. Óhætt er að segja að búnaðurinn hafi staðist þá þolraun.
Farið var frá Akureyri kl. 12:20 og lent á flugvellinum í Kulusuk kl. 14:20. Þar var hafist handa við að selflytja allan þann búnað sem nota þurfti í þyrluflug yfir til Ammassalik þar sem tveir sjúklingar biðu. Þyrlan flutti báða læknana og neyðarflutningsmennina ásamt búnaði yfir til Ammassalik og lenti síðan við spítalann í Ammassalik kl 14:50. Sjúklingarnir voru báðir gjörgæslusjúklingar þ.e. voru báðir í öndunarvél, með sprautudælur og í monitor. Aðeins var hægt að flytja annan sjúklingin í einu í þyrlunni og þurfti því að fara tvær ferðir. Þegar komið var með fyrri sjúklinginn á flugvöllinn í Kulusuk var veðrið farið að versna og veðurspáin var ekki glæsileg, en spáð var hvössum vindi allt að 70 hnútum í hviðum og snjókomu. Seinni sjúklingurinn lenti svo á flugvellinum á Kulusuk um kl. 16:20 og fór sjúkraflugvélin í loftið frá Kulusk áleiðis til Reykjavíkur kl. 16:40. Flugið til Reykjavíkur gekk vel, lent var á Reykjavíkurflugvelli um kl. 18:45 en þar biðu tveir sjúkrabílar sem fluttu sjúklingana á gjörgæsludeild LSH í Fossvogi. Það voru þreyttir en sáttir ferðalangar sem lentu á Akureyrarflugvelli, heimahöfn sjúkraflugvélarinnar, um kl. 21:00. Þetta kemur fram á vef Slökkviliðs Akureyrar.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.