Tilhlökkun að spila aftur hér heima
Handboltakappinn Ragnar Snær Njálsson mun að öllum líkindum spila með Akureyri eftir áramót í N1-deild karla. Eftir tvö ár í atvinnumennsku, þar sem Ragnar lék í hálft ár með A.O. Dimou Thermaikou í grísku úrvalsdeildinni og eitt og hálft tímabil með HSC Bad Neustadt í þýsku 3. deildinni, ákvað Ragnar að snúa heim aftur en meiðsli hafa sett strik í veruna hjá honum úti.
Frá því ég var 16 ára hefur vinstra hnéið verið að stríða mér og svo lenti ég í að fá brjóstklos í janúar. Ég ákvað því bara að koma heim og reyna að jafna mig alveg á meiðslunum og spila handbolta hér heima, segir Ragnar, sem reiknar með að vera til í slaginn strax í janúar. Hann segir ekkert annað hafa komið til greina en að spila með liði Akureyrar hér heima enda norðanmaður í húð og hár.
Ég á eftir að ræða betur við Akureyrarliðið en ég reikna með að þetta gangi allt eftir og ég hlakka bara rosalega til að prófa spila aftur hér á landi. Ég held að það sé ofsögum sagt hvað íslenska deildin sé í mikilli lægð og hér sé lélegur handbolti. Mér líst vel á þessa deild og ég fylgdist vel með er ég var erlendis. Hér er spilaður flottur handbolti og ég vil hjálpa Akureyri að ná einhverju öðru en silfri í vetur.
Ragnar lék með KA og HK hér heima áður en hann fór í atvinnumennskuna. Hann segist vera mikill KA-maður en er hins vegar ánægður með sameininguna í handboltanum á Akureyri. Þeir sem mig þekkja vita að ég er með gult og blátt blóð og einn af allra hörðustu KA-mönnunum. Ég er samt mjög ánægður með hvernig þessi sameining hefur gengið upp og ég er alveg laus við alla fordóma í sambandi við það. Þetta er svakalega flott lið og það er mikil tilhlökkun hjá mér að spreyta mig með þeim."
Lengra viðtal við Ragnar Snæ má finna á íþróttasíðum Vikudags sem kom út í dag.
Nýjast
-
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu. -
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr. -
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1. -
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp.
