Þykir okkur vænt um lýðræðið?
Til að lýðræðinu sé fullnægt er ekki nægilegt að hafa lýðræðislega stjórnarskrá og stjórnarhætti. Fyrsta grein íslensku stjórnarskrárinnar tekur til þess að Ísland sé lýðveldi með þingbundinni stjórn. Þýðir það, í stuttu máli, að á Íslandi er æðsti þjóðhöfðingi landsins kjörinn af almenningi. Hér ríkir því lýðveldi. Hvað með lýðræði?
Mikilsvirtur kennari minn í BA námi mínu í stjórnmálafræði við Háskóla Íslands, Svanur Kristjánsson, sagði reglulega við okkur nemendurna að mikilvægt væri að okkur þætti vænt um lýðræðið. Hann talaði í því samhengi um hinn lýðræðislega einstakling, sem bæði þætti vænt um lýðræðið og stæði vörð um það. Í því samhengi væri nauðsynlegt að ala upp í fólki virðingu fyrir lýðræðinu og að það væri fært um að taka þátt í lýðræðisþjóðfélagi. Lýðræði hvílir því ekki aðeins á stjórnarskrá, heldur verður það að búa í sál hvers og eins.
Þessi orð hafa setið í mér og þykir mér sem þau eigi ágætlega við á þeim tímamótum sem við, íslenska þjóðin, stöndum í dag. Komandi Þjóðfundur sem skila mun tillögum um breytta stjórnarskrá til Stjórnlagaþings, segir ekki alla söguna. Lýðræðið verður nefnilega að vera innra með okkur. Við verðum að hafa trú á því og okkur verður að þykja vænt um það. Með þátttöku í Þjóðfundinum og málefnalegum umræðum mun jákvætt viðhorf almennings til lýðræðis í landinu, vonandi eflast. Lýðræðið verður ekki öflugt, ráðandi stjórnarform nema með virkri þátttöku þjóðarinnar. Því langar mig að hvetja okkur öll til að taka þátt í umræðum um komandi Þjóðfund og Stjórnlagaþing eins og kostur er. Án okkar áhuga mun lítið breytast til frambúðar.
Það að 500 einstaklingar hafi ákveðið að gefa kost á sér til Stjórnlagaþingsins er að mínu mati merki um nauðsyn þess að breytingar verði á íslensku samfélagi. Ég býð mig fram sem fulltrúa yngri kynslóðanna, framtíð mín er í húfi.
Höfundur er stjórnmálafræðingur.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.