„Þurfum að taka ákvörðun um það hvort við viljum spila með“
-
Atvinnuuppbygging á grunni grænna iðngarða
-
Líklegar sviðsmyndir kynntar
Á þriðjudag fer fram íbúafundur á Húsavík þar sem kynntar verða mögulegar sviðsmyndir atvinnuuppbyggingar á Bakka. Kristján Þór Magnússon, sveitarstjóri Norðurþings segir að aldrei hafi verið jafn margir umræðufletir á mismunandi uppbyggingu mögulegra atvinnutækifæra.
„Mestu skiptir áhersla bæði okkar og ríkisins til að finna leiðir til að ýta undir fjölbreytta uppbyggingu orkusækins iðnaðar á þessum grænu nótum,“ segir Kristján.
Fyrr á þessu ári ritaði Norðurþing undir samstarfssamning við atvinnuvega- og nýsköpunarráðuneytið, Íslandsstofu og Landsvirkjun um að kanna uppbyggingu grænna iðngarða á Bakka. Sveitarfélagið hefur unnið að undirbúningi þeirrar uppbyggingar ásamt Landsvirkjun í lengri tíma. Afrakstur þeirrar vinnu verður kynntur á fundinum.
Grænn iðngarður á Bakka
„Við ætlum að kanna álit íbúa á þá sýn sem við erum að marka með þessu verkefni. Ég held að það sé áhugi fyrir því að sækja fram á Bakka og ég tel að það séu klárlega tækifæri til þess á grunni þess sem kallað hefur verið grænn iðngarður. Það verður fróðlegt að sjá hvað íbúum finnst um þennan fund. Þarna munum við kynna líklegustu sviðsmyndirnar miðað við núverandi stöðu,“ útskýrir Kristján.
Norðurþing hefur þegar skrifað undir viljayfirlýsingu Carbon Iceland ehf. um að kanna fýsileika þess að byggja upp lofthreinsiver á bakka sem gæti skapað 300-500 stöðugildi. Kristján segir að enn fleiri aðilar hafi leitað til sveitarfélagsins með hugmyndir um frekari uppbyggingu.
Fjórar megin sviðsmyndir
„Það hafa haft samband við okkur aðilar sem eru að huga að uppbyggingu gagnavera, það hafa einstaklingar sýnt áhuga á landeldi á bleikfiski, það hafa sett sig í samband við okkur einstaklingar sem hafa verið að skoða rafeldsneytisframleiðslu, þ.e.a.s. vetnisframleiðslu og hugsanlega ammoníak til útflutnings. Þetta eru grunnurinn af því sem Landsvirkjun hefur verið að horfa á. Það eru þessar fjórar sviðsmyndir ; Rafeldsneyti, rafhlöðuframleiðsla, gagnaver og matvælaframleiðsla,“ útskýrir Kristján.
Kristján segist búast við því að hugmyndir sem kynntar verði á fundinum muni hreyfa við fólki. „Hvernig ætlum við að koma því sem við erum ekki að nota í dag í einhverskonar not? Ég hlakka mjög til fundarins og vona að það verði góð mæting.“
Fjölbreyttara val
Sveitarstjórinn segist líta björtum augum á framtíðina hér á svæðinu. „Það eru bara örfáir staðir á Íslandi sem hafa þessar auðlyndir og innviði sem snúa að orkunni og við þurfum að taka ákvörðun um það hvort við viljum spila með. Ætlum við að nýta okkur þetta og hvers konar sviðsmynd viljum við sjá að verði að raunveruleika. Við höfum miklu meira val en áður um það hvers konar atvinnustarfsemi byggist upp í sveitarfélaginu.“
Nýjast
-
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum
Athugasemdir