Þreyta og slappleiki eru algengustu þunglyndiseinkennin hjá íþróttafólki
Richard Eirikur Taehtinen.
Richard Eirikur Taehtinen – Vísindafólkið okkar
Richard Eirikur Taehtinen er lektor í sálfræði við Sálfræðideild Háskólans á Akureyri. Rannsóknir hans snúa að andlegri heilsu íþróttafólks.
Rannsóknir Richards hafa hingað til að mestu leyti snúist um þunglyndiseinkenni hjá íþróttafólki. Aðalástæðan fyrir áhuga hans á því viðfangsefni er sú að þunglyndi tengist að miklu leyti lífskjörum og lífsgæðum sem hafa svo áhrif á virkni fólks í samfélaginu heilt yfir.
Mörg einkenni þunglyndis vega einnig þungt hvað varðar frammistöðu íþróttafólks. Þar má nefna svefn eða svefnleysi, næringartengd vandamál og skort á einbeitingu. Þessi einkenni spila svo inn í sálarlíf íþróttafólksins og geta komið fram t.d. í neikvæðum skapsveiflum, minna sjálfsáliti og áhugaleysi. „Þar sem ég hef sjálfur upplifað bæði upp- og niðursveiflur sem íþróttamaður og þjálfari, þá finnst mér að töluvert meira þurfi að gera til að auka skilning á og sýna fram á mikilvægi andlegrar heilsu hjá íþróttafólki,“ segir Richard.
Mikil þörf á frekari rannsóknum á sviði íþróttasálfræðinnar
Doktorsverkefni Richards fjallaði um þunglyndiseinkenni meðal íþróttafólks. Hann byrjaði á að skoða rannsóknir á kerfisbundinn hátt til þess að gera samantekt á rannsóknum á þunglyndi hjá íþróttafólki. Þær rannsóknir voru 157 talsins og framkvæmdar á árunum 1987 til 2019. Flestar rannsóknanna eru mjög nýlegar; 70% af þeim voru birtar eftir 2013, sem segir okkur að lítil áhersla hefur verið lögð á rannsóknir á þessu sviði. Þetta undirstrikar hversu litla athygli þunglyndi og rannsóknir á því meðal íþróttafólks hafa fengið síðustu ár.
Heilt yfir sýndu niðurstöður rannsókna Richards að þreyta og slappleiki séu algengustu þunglyndiseinkennin hjá íþróttafólki. Einnig kom í ljós að meðal þess íþróttafólks sem sýndi hvað mest einkenni þunglyndis upplifðu 40% hvorki skapvonsku né áhugaleysi hjá sér, sem eru þó aðaleinkenni þunglyndis.
Einnig kom fram að íþróttafólk sem festist í neikvæðum hugsunum er líklegra til að upplifa þunglyndiseinkenni yfir tíma, sérstaklega þegar það er undir miklu álagi.
„Það er mikil þörf á frekari rannsóknum á þessu sviði. Jafnframt er aðkallandi að miðla núverandi þekkingu til almennings. Þannig getum við fundið leiðir til þess að efla markvisst andlega heilsu íþróttafólks, sérstaklega afreksíþróttafólks,“ segir Richard.
Hvað ertu að fást við þessa dagana?
Þessa dagana er Richard að kenna námskeið í klínískri sálfræði við Sálfræðideild Háskólans á Akureyri og að undirbúa næstu skref í rannsókninni sinni. Einnig er hann að leggja grunn að nýju námskeiði í rannsóknatengdu meistaranámi við deildina. Námskeiðið mun falla um íþróttasálfræði með sérstakri áherslu á andlega heilsu íþróttafólks.
Ásamt því að starfa sem lektor við Háskólann á Akureyri veitir Richard sálfræðiráðgjöf fyrir íþróttasamstök og einstaklinga innan þeirra. Þá starfar hann fyrir íslenska kvennalandsliðið í íshokkí sem er um þessar mundir að undirbúa sig fyrir undankeppni Ólympíuleikanna. „Ég virkilega nýt þess að starfa bæði í akademíunni og á gólfinu vegna þess að það styður hvort annað mjög vel,” segir Richard.
Hvaðan er Richard?
Richard er fæddur árið 1981 í Svíþjóð en ólst upp í Finnlandi. Hann flutti til Íslands árið 2008 til þess að þjálfa íshokkí. Hann lauk BA-prófi í Coaching and Sport Management frá Linnaeus háskólanum í Svíþjóð árið 2007, BS-prófi í sálfræði frá Háskólanum í Reykjavík árið 2013 og MSc-prófi í klínískri sálfræði frá sama háskóla árið 2017. Richard lauk doktorsprófi í Íþróttasálfræði frá Liverpool John Moores háskólanum árið 2021. Hann hefur starfað við Háskólann á Akureyri frá árinu 2020.
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir