Píanókvartettinn Negla heldur tónleika í Hofi
Píanókvartettinn Negla saman stendur af fjórum ungum tónlistarkonum, þeim Sólveigu Steinþórsdóttur fiðluleikara, Önnu Elísabetu Sigurðardóttur víóluleikara, Hrafnhildi Mörtu Guðmundsdóttur sellóleikara og Þóru Kristínu Gunnarsdóttur píanóleikara. Mynd aðsend
Píanókvartettinn Negla heldur tónleika í Hömrum í Menningarhúsinu Hofi sunnudaginn 9. nóvember kl 16.
Píanókvartettinn Negla tók til starfa árið 2023 og samanstendur af fjórum ungum tónlistarkonum, þeim Sólveigu Steinþórsdóttur fiðluleikara, Önnu Elísabetu Sigurðardóttur víóluleikara, Hrafnhildi Mörtu Guðmundsdóttur sellóleikara og Þóru Kristínu Gunnarsdóttur píanóleikara.
Kvartettinn hefur komið fram á fjölmörgum tónleikum síðan þá, m.a. á tónleikum Kammermúsíkklúbbsins í Hörpu, í Tíbrá í Salnum i Kópavogi og á Þjóðlagahátíð á Siglufirði auk þess að spila í hinum ýmsu skólum og á öldrunarheimilum höfuðborgarsvæðisins.
Hefur fengið góðar viðtökur
Kvartettinn hefur fengið mjög góðar viðtökur tónleikagesta og gagnrýnenda en m.a. hefur Michael Jón Clarke skrifað um flutning Neglu: “á fyrstu tónum var ljóst að hér væri ekki um venjulegan flutning að ræða. (…) Samspilið milli flytjenda var eins og um væri að ræða eitt stórt hljóðfæri.”
Á efnisskrá tónleikanna eru glæný verk, samin sérstaklega fyrir kvartettinn, eftir Ingibjörgu Ýr Skarphéðinsdóttur og Arngerði Maríu Árnadóttur. Einnig verður fluttur hinn ástsæli píanókvartett í g-moll eftir Johannes Brahms.
Tónleikarnir eru hluti af tónleikaröð Tónlistarfélags Akureyrar, Hvítar Súlur. Miðasala er á tix.is, mak.is og í miðasölu Hofs. 20% aflsáttur er fyrir félagsmenn í Tónlistarfélagi Akureyrar og frítt fyrir ungmenni innan 18 ára.
Nýjast
-
Engin ákvörðun um lóð við Norðurtanga
Skipulagsráð Akureyrar hefur hafnað erindi frá fyrirtækinu Ásco ehf sem sótti um iðnaðar- og athafnalóð undir starfsemi sína við Norðurtanga 7 á Akureyri. -
Litir lífs Myndlistarsýning Aðalsteins Þórssonar í Mjólkurbúðinni
Dagana 6. til 17. nóvember má sjá, inn um glugga Mjólkurbúðarinnar í Listagilinu á Akureyri, myndlistarmanninn Aðalstein Þórsson mála sjö málverk. -
Píanókvartettinn Negla heldur tónleika í Hofi
Píanókvartettinn Negla heldur tónleika í Hömrum í Menningarhúsinu Hofi sunnudaginn 9. nóvember kl 16. -
Velferðarstjarnan 2025 – Velferð er verkefni okkar allra
Í þriðja sinn í röð stendur Velferðarsjóður Eyjafjarðar fyrir sölu á Velferðarstjörnunni, í samstarfi við Glerártorg og Slippinn Akureyri. Nýtt útlit stjörnunnar fyrir jólin 2025 er hannað af Elvu Ýr Kristjánsdóttur og Kristínu Önnu Kristjánsdóttur, verkefnastjórum markaðsmála á Glerártorgi, og framleitt og styrkt af Slippnum Akureyri líkt og undanfarin ár. -
Ný hönnun bygginga við Viðjulund 1
Bæjarstjórn hefur nú samþykkt breytingar á skipulagi lóðarinnar við Viðjulund 1 á Akureyri en sú lóð er í eigu dótturfélags KEA og Húsheildar-Hyrnu. -
Lítil skref á leið til læsis hlaut íslensku menntaverðlaunin
Verkefnið er samstarfsverkefni Borgarhólsskóla, leikskólans Grænuvalla, Miðstöð skólaþróunar Háskólans á Akureyri og Natöschu Damen sjúkraþjálfara -
Ráðgjöf um málefni einstaklinga með heilabilun og aðstandendur þeirra
Þær Petra Sif og Björg Jónína iðjuþjálfar hjá Heilsuvernd Hjúkrunarheimili, hófu haustið 2024 nám í Ráðgjöf um málefni einstaklinga með heilabilun og aðstandendur þeirra sem er ný námsleið hjá Háskólanum á Akureyri og Háskóla Íslands -
Höggvið á raforkuhnútinn á Norðausturlandi
Ráðist verður strax í aðgerðir á Norðausturlandi til að auka afhendingargetu og afhendingaröryggi raforku í landshlutanum. Þannig skapast forsendur fyrir aukinni atvinnuuppbyggingu og jákvæðri byggðaþróun á svæðinu til skemmri og lengri tíma. -
Vélfag leggur fram kvörtun til ESA vegna brota á EES-reglum
Vélfag ehf., í samstarfi við meirihlutaeiganda félagsins, hefur lagt fram kvörtun til Eftirlitsstofnunar EFTA (ESA) með beiðni um hraðaða brotamálsmeðferð gegn íslenska ríkinu.
