Þrefaldur sigur hjá Kolbeini Heði
Kolbeinn Höður Gunnarsson frá UFA stóð sig vel á Stórmóti ÍR. Mynd: Þórir Tryggvason.
Keppendur frá UFA og UMSE gerðu fína hluti á Stórmóti ÍR í frjálsum íþróttum sem haldið var í Laugardalshöllinni sl. helgi. Mótið var fjölmennt en 780 keppendur tóku þátt, þar af 47 frá Færeyjum, frá 23 félögum. Hjá UFA vann Kolbeinn Höður Gunnarsson þrenn gullverðlaun en hann sigraði í 400, 200 og 60 m hlaupi í flokki 16-17 ára. Hafdís Sigurðardóttir sigraði í langstökki kvenna og í 400 m hlaupi og varð í öðru sæti í 60 m hlaupi, Selma Líf Þórólfsdóttir sigraði í hástökki í flokki 15 ára, Heiðrún Dís Stefánsdóttir sigraði í 800 m hlaupi og varð í öðru sæti í 400 m hlaupi í flokki 18 ára, Stefán Þór Jósefsson varð annar í grindahlaupi og vann bronsverðlaun í stangarstökki, kúluvarpi og 800 m hlaupi í flokki 18 ára. Sunna Rós Guðbergsdóttir varð í öðru sæti í þrístökki og í langstökki í flokki 15 ára, Fríða Björk Einarsdóttir hafnaði í þriðja sæti í kúluvarpi í flokki 14 ára og Sesselja Dís Heiðarsdóttir varð þriðja í kúluvarpi í flokki 13 ára.
Hjá UMSE sigraði Júlíana Björk Gunnarsdóttir í stangarstökki í flokki 14 ára, Guðmundur Smári Daníelsson varð í öðru sæti í sömu grein í flokki 14 ára, Helgi Pétur Davíðsson varð þriðji í 600 m hlaupi í flokki 12 ára, Karl Vernharð Þorleifsson varð þriðji í stangarstökki í flokki 14 ára, Sveinborg Katla Daníelsdóttir þriðja í stangarstökki í flokki 16-17 ára og í sama flokki varð Arlinda Fejzulahi í öðru sæti í kúluvarpi.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.