Þórsarar lögðu Skagamenn og KA gerði jafntefli við Selfoss
Þórsarar lögðu Skagamenn sannfærandi í fyrstu umferð 1. deildar karla í knattspyrnu. Leikurinn fór fram í Boganum var hin besta skemmtun og úrslitin nokkuð óvænt en fyrirfram áttu eflaust flestir von á sigri gestanna af Skaganum. Þórsarar byrjuðu leikinn af miklum krafti og átti Einar Sigþórsson hörkuskot í slá eftir einungis tveggja mínútna leik. Ekki löngu síðar varði Atli Már Rúnarsson markvörður Þórs glæsilega skot frá Skagamanni.
Á 33 mínútu komust heimamenn yfir. Boltinn barst þá til Einars Sigþórssonar í vítateig ÍA eftir hornspyrnu Ottó Hólms Reynissonar, Einar gerði sér lítið fyrir og þrumaði boltanum í þaknetið af stuttu færi og kom Þór í 1-0.Þannig stóð í hálfleik en fljótlega í byrjun síðar hálfleiks, nánar tiltekið á 49 mínútu komust heimamenn í 2-0. Ottó Hólm Reynisson lék þá einn varnarmann Skagamanna í teignum og náði að lyfta boltanum fyrir markið þar sem mættur var Jóhann Helgi Hannesson sem potaði boltanum í netið.
Þórsarar voru ekki hættir því á 71 mínútu skoraði Sveinn Elías Jónsson, sem gekk til liðs við Þór í vetur frá KA, þriðja mark heimamanna með skalla af stuttu færi eftir hornspyrnu frá títt nefndum Ottó Hólm.
Það sem eftir lifði leiks sóttu Skagamenn meira en fengu engin teljandi færi og heimamenn fögnuðu því sætum 3-0 sigri í leikslok.
Þórsarar léku leikinn af mikilli skynsemi, lágu aftarlega á vellinum og leyfðu ÍA að hafa boltann. Þegar þeir svo unnu boltann áttu þeir hvað eftir annað stórhættulegar skyndisóknir með Ottó Hólm fremstan í flokki en þessi 18 ára strákur átti stórleik í dag. Einnig var Óðinn Árnason sterkur í vörn Þórs en erfitt er að taka einstaka menn út fyrir góða frammistöðu því liðið stóð sig í heild vel í dag.
Á Selfossi tóku heimamenn á móti KA. Báðum liðum er spáð ágætis gengi í deildinni í sumar og var því búist við nokkum jöfnum leik. Svo fór að liðin skyldu jöfn 1-1, Steinn Gunnarsson koma KA yfir snemma fyrri hálfleiks en Selfyssingar jöfnuðu metin stuttu síðar og þar við sat, þrátt fyrir að bæði lið fengju töluvert að færum til að bæta við mörkum í þessum opna og skemmtilega leik. Jafnræði var með liðunum í leiknum og hefði hann getað fallið hvoru liðinu í hag, KA-menn geta hins vel við úrslitin unað þar sem Selfyssingar þykja erfiðir heim að sækja. Nánar verður sagt frá þessum leik í Vikudegi nk. fimmtudag.
Nýjast
-
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00