Þór/KA jafnaði í uppbótartíma gegn Val
Valsstúlkur byrjuðu betur á Þórsvelli í kvöld og Kristín Ýr Bjarnadóttir fékk fyrsta alvöru færi leiksins á 16. mínútu. Boltinn datt fyrir hana en Kristín hitti boltann skelfilega sem Beglind Magnúsdóttir varði í marki heimamanna. Valsstúlkur sóttu meira fyrstu mínúturnar og höfðu nokkra yfirburði. Þór/KA sótti á þegar líða tók á fyrri hálfleikinn og leikurinn jafnaðist út. Lítið var þó um opin færi en þau fáu sem komu voru Valsstúlkna.Þór/KA kom boltanum í netið á 40. mínútu er Marie Fernandez skoraði af stuttu færi eftir skelfileg varnarmistök en línuvörðurinn flaggaði rangstöðu og markið ekki gilt.
Staðan 0:0 í hálfleik.
Manya Makoski fékk úrvalsfæri eftir sex mínútna leik í seinni hálfleik er hún var komin ein í gegn. Færið var hins vegar þröngt og skot hennar beint á Meagan McCray í marki Vals. Skömmu síðar varði Þór/KA á línu eftir hornspyrnu og líf að færast í leikinn á Þórsvelli.
Það var svo á 57. mínútu sem fyrsta mark leiksins kom. Laufey Ólafdóttir var þar að verki er hún fékk boltann inn í teignum vinstra megin og lagði boltann í hægra hornið framhjá Berglindi í markinu. Snyrtilega gert hjá Laufey og Valur komið 1:0 yfir.Mateja Zver fékk frábært færi 67. mínútu til að jafna metin. Mayna Makosi átti frábæra stungusendingu inn fyrir vörn Vals þar sem Mateja stakk sér á milli varnarmanna og reyndi að vippa yfir Meagan í marki gestanna sem náði að verja.
Það stefndi allt í sigur Vals en þegar komið var fram á uppbótartíma fékk Þór/KA dæmda vítaspyrnu er brotið var á Manyu Makoski. Mateja Zver fór á punktinn og skoraði og tryggði Þór/KA stig í kvöld.
Eftir leikinn munar því áfram sex stigum á liðunum, Valur hefur 29 stig í öðru sæti en Þór/KA 23 stig í því fjórða.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
