Þór/KA aftur á sigurbraut
Þór/KA komst aftur á sigurbraut í Pepsi-deild kvenna í knattspyrnu er liðið lagði Breiðablik að velli, 3:1, á Þórsvelli í kvöld í 16. umferð deildarinnar. Arna Sif Ásgrímsdóttir skoraði tvívegis fyrir heimamenn og varamaðurinn Lára Einarsdóttir eitt mark en Fanndís Friðriksdóttir skoraði mark gestanna úr vítaspyrnu. Þór/KA er áfram í fjórða sæti deildarinnar með 26 stig en Blikar hafa áfram 17 stig í sjötta sæti.
Það tók Þór/KA aðeins tvær mínútur að skora fyrsta markið og það gerði Arna Sif Ásgrímsdóttir með skalla eftir hornspyrnu frá Mateju Zver. Upphafsmínúturnar voru fjörugar og bæði lið fengu úrvalsfæri og áttu Blikar meðal annars skot í slá.
Arna Sif var svo nálægt því að skalla boltann öðru sinni í netið eftir rúmlega hálftíma leik, er hún skallaði boltann að marki eftir aukaspyrnu frá Mateju Zver en Birna Kristjánsdóttir varði í marki Breiðabliks.
Staðan 1:0 í hálfleik.
Þór/KA byrjaði seinni hálfleikinn með marki líkt og þann fyrri er Lára Einarsdóttir kom heimamönnum í 2:0 á 47. mínútu. Lára var nýkominn inn á sem varamaður fyrir Gígju Valgerðar Harðardóttur og ekki lengi að setja mark sitt á leikinn. Fanndís Friðriksdóttir minnkaði muninn með marki úr vítaspyrnu nokkrum mínútum síðar og staðan 2:1. Heimamenn voru sterkari framan af seinni hálfleik en bæði lið fengu ágætis færi til þess að bæta við mörkum undir lok leiksins.
Það var svo alveg undir lok leiksins að Arna Sif gulltryggði 3:1 sigur Þórs/KA með skallamarki eftir hornspyrnu, keimlíkt fyrra marki sínu.
Lokatölur, 3:1
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
