Þór sækir Hamar heim í 16-liða úrslitum
Þór og Hamar mætast að nýju í bikarnum.
Þórsarar drógust gegn liði Hamars er dregið var í 16-liða úrslit bikarkeppni KKÍ í dag. Hamar kom fyrr upp úr pottinum og fær því heimaleikjaréttinn. Liðin leika bæði í 1.deild og mættust á Akureyri á dögunum í hörkuleik, þar sem Þór hafði betur með þriggja stig mun eftir flautukörfu, 83-80, og því má búast við hörkuleik í Hveragerði. Stórleikir umferðarinnar verða án efa leikir úrvalsdeildarliðanna KR og Grindavíkur annars vegar og Stjörnunnar og Snæfells hins vegar. Einnig mætast Breiðablik og KFÍ, Tindastóll og Þór Þorlákshöfn, Njarðvík og Höttur, Skallagrímur og Keflavík og Fjölnir og Njarðvík b. Kvennalið Þórs var einnig í pottinum og fékk liðið heimaleik gegn Hamar. Leikirnir í 16-liða úrslitum fara fram 7. til 9. janúar.
Þór flaug í 16-liða úrslitin
Þórsarar fóru nokkuð létt inn í 16-liða úrslitin eftir öruggan sigur gegn ÍBV í Eyjum sl. helgi, 153-47, í 32-liða úrslitum. ÍBV situr á botni annarrar deildar og var mikill getumunur á liðunum eins og tölur gefa til kynna. Þetta var annar sigur Þórs í röð en liðið vann sinn fyrsta deildarleik á dögunum. Ekki fengust upplýsingar um tölfræði úr leiknum.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.