Þór með bakið upp að vegg eftir tap gegn Blikum
Breiðablik bjargaði sér frá falli í dag með því að leggja Þór á Þórsvelli, 1-2, í næstsíðustu umferð Pepsi-deildar karla í knattspyrnu í dag. Eftir ágætis byrjun heimamanna voru það Blikar sem voru heilt yfir betri og sigurinn fyllilega verðskuldaður. Ingi Freyr Hilmarsson kom Þór yfir snemma leiks en Blikar svöruðu með tveimur mörkum frá Guðmundi Kristjánssyni og Kristni Steindórssyni. Þór er því komið með bakið upp að vegg og framundan er algjör úrslitaleikur hjá Þór gegn Keflavík í lokaumferðinni en liðin mætast þá suður með sjó þann 1. október.
Ljósi punkturinn hjá Þór í dag er að liðið er komið í Evrópukeppnina eftir að KR tryggði sér Íslandsmeistaratitilinn.
Stemmningin var góð á Þórsvelli á þessum síðasta heimaleik Þórs og voru áhorfendur alls 1137, mesti fjöldinn hingað til í sumar. Þórsarar fengu draumabyrjun og komust yfir strax á 3. mínútu. Eftir flotta sókn Þórs barst boltinn til Inga Freys Vilhjálmssonar sem var utarlega í vítateignum vinstra megin en lét engu að síður vaða á markið og hörkuskot hans hafnaði í netinu. Leikurinn var nokkuð jafn næstu mínútur en Þórsarar hættulegri í sínum sóknaraðgerðum. Sveinn Elías Jónsson fékk fínt færi á 13. mínútu en skot hans úr þröngu færi úr vítateignum rétt framhjá. Skömmu síðar átti Clarke Keltie aukaspyrnu sem fór hárfínt yfir markið Breiðabliks. Gestirnir heppnir að lenda ekki tveimur mörkum undir þarna.
Blikar sóttu í sig veðrið þegar leið á hálfleikinn og þegar hálftími var liðinn af leiknum jafnaði Guðmundur Kristjánsson metin fyrir gestina. Markið var í fallegri kantinum. Eftir hornspyrnu barst boltinn til Guðmundar rétt utan teigs, sem tók boltann á bringuna og þrumaði honum í netið. Klassa mark og þegar þarna var komið við sögu voru Blikar mun betri.
Skömmu síðar þurfti Srdjan Rajkovic að taka á honum stóra sínum í marki Þórs, er hann varði glæsilega frá Kristni Steindórssyni en skot Kristins úr vítateignum stefndi upp í samskeytin. Aðei ns andartökum síðar, á 37. mínútu, var Kristinn aftur nálægt því að ná forystunni fyrir Blika. Boltinn barst til Kristins eftir hornspyrnu og skot hans hafnaði í stönginni og þaðan beint í fangið á Rajkovic í marki Þórs. Lukkan á bandi heimamanna en Blikar afar óheppnir að vera ekki komnir yfir.
Blikar héldu áfram þar sem frá var horfið í seinni hálfleik. Gestirnir voru nálægt því að komast yfir snemma leiks en skalli frá Blikum var naumlega varinn af Rajkovic í marki Þórs. Breiðablik náði svo verðskuldað forystunni í leiknum á 64. mínútu er Kristinn Steindórsson kom boltanum í netið, en hann fékk þá boltann í teignum og skoraði með hnitmiðuðu skoti í bláhornið.
Þórsarar reyndu hvað þeir gátu að jafna metin að þjörmuðu nokkuð að Blikum síðustu mínúturnar en Blikar héldu út. Þungi fargi létt af Breiðabliki en Þórsarar þurfa að leggja Keflavík að velli er liðin mætast suður með sjó í lokaumferðinni, laugardaginn 1. október.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
