Þór í 8-liða úrslit bikarins
Þórsarar eru komnir áfram í 8-liða úrslit Valitor-bikar karla í knattspyrnu eftir 3:1 sigur gegn Víkingi á Þórsvelli í kvöld. Sveinn Elías Jónsson og Gunnar Már Guðmundsson skoruðu sitt markið hvor fyrir Þór en eitt markið var sjálfsmark gestanna. Mark Víkings skoraði Halldór Smári Sigurðsson. Leikurinn á Þórsvelli var nokkuð jafn en sigurinn þó sanngjarn hjá hjá heimamönnum.
Fyrsta færi leiksins kom eftir um átta mínútna leik en Sigurður Marinó Kristjánsson átti þá fínt skot utan teigs sem fór rétt yfir mark Víkings. Skömmu síðar var úrvalsfæri hinu megin á vellinum en þá fékk Kjartan Dige Baldursson svo til frítt skot inn í teignum en boltinn hárfínt framhjá.Jóhann Helgi Hannesson var svo nánast sloppinn einn í gegn á 12. mínútu en var með mann í bakinu utarlega í teignum, skotið slakt og beint á Magnús Þormar í marki Víkings.
Það var svo á 23. mínútu sem fyrsta mark leiksins kom og það var sjálfsmark gestanna. Þórsarar áttu þá hornspyrnu og Magnús Þormar misreiknaði sig eitthvað í marki Víkings og kýldi boltann inn beint úr hornspyrnunni. Furðulegt mark og Þórsarar 1:0 yfir.Víkingur fékk svo dæmda vítaspyrnu á 36. mínútu er boltinn fór í höndina á Þorsteini Ingasyni fyrirliða Þórs. Walter Hjaltested fór á vítapunktinn en Björn Hákon Sveinsson fór í rétt horn og varði.Bæði lið fengu fín færu undir lok hálfleiksins.
Fyrst Viktor Jónsson fyrir Víking er hann fékk frítt skot inn í teignum en Björn Hákon gerði vel í að verja. Sigurður Marinó Kristjánsson, sem var allt í öllu í leik Þórs í fyrri hálfleik, fékk svo fínt færi skömmu síðar er hann var nánast einn á móti markmanni eftir sendingu frá Sveini Elíasi Jónssyni. Sigurður var aðeins of lengi að athafna sig og færi fór forgörðum.
Staðan 1:0 í hálfleik.
Víkingur fékk draumabyrjun í seinni hálfleik en hann var aðeins þriggja mínútna gamall þegar gestirnir jöfnuðu metin. Það gerði Halldór Smári Sigurðsson með einkar laglegu skoti, en Halldór fékk boltann sirka 30 m frá markinu og hamraði boltann viðstöðulaust í netið. Staðan 1:1.Víkingur var betri aðilinn framan af seinni hálfleik. Atli Sigurjónsson fór útaf í liði Þórs fyrir Baldvin Ólafsson og kom það niður á miðjuspili liðsins. Víkingur var svo nálægt því að komast yfir á 72. mínútu. Ingólfur “Veðurguð” Þórarinsson, sem hafði komið inn á af bekknum snemma í seinni hálfleik, átti sendingu á Sigurð Egil Lárusson sem var komin í ágætisfæri en skot hans rétt yfir markið hægra megin í teignum.
Þórsarar fóru að sækja meira þegar líða tók á hálfleikinn og þeir náðu forystunni á ný á 79. mínútu. Ottó Hólm Reynisson átti þá sendingu inn í teig á Jóhann Helga Hannesson, sem sneri af sér varnarmann en skot hans fór í annan varnarmann og barst þaðan til Sveins Elíasar Jónssonar sem skoraði auðveldega. Staðan 2:1. Sveinn Elías fékk svo tækifæri á að gera út um leikinn tveimur mínútum fyrir leikslok. Jóhann Helgi Hannesson átti stungusendingu inn fyrir vörn Víkings en fyrsta snerting Sveins var léleg sem missti boltann of langt frá sér og skotið beint á Magnús Þormar í markinu.
Gunnar Már Guðmundsson innsiglaði svo 3:1 sigur Þórs með marki á uppbótartíma og Þórsarar verða því í pottinum þegar dregið verður í 8-liða úrslit.
Nýjast
-
Samherji og Ice Fresh Seafood áberandi á Seafood Expo Global. „Allur fiskiheimurinn hittist á sama punktinum.“
Alþjóðlega sjávarútvegssýningin Seafood Expo Global í Barcelona á Spáni stendur yfir dagana 6.- 8. maí. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. -
Vegleg gjöf Oddfellowstúkanna styrkir líknarþjónustu SAk
Þann 30. apríl sl. komu fulltrúar allra fimm Oddfellowstúkanna á Akureyri saman og færðu Sjúkrahúsinu á Akureyri rausnarlega gjöf til stuðnings við líknarþjónustu sjúkrahússins. Heildarfjárhæð peningagjafarinnar nam 1.245.000 krónum og er hún ætluð til að bæta aðstöðu í nýju aðstandendaherbergi á lyflækningadeildinni. -
Líflínan
Í þessari viku legg ég fram þingsályktunartillögu sem snýr að því að tryggja áframhaldandi starfsemi Janusar endurhæfingar eða tryggja sambærilega geðendurhæfingu fyrir ungmenni með fjölþættan vanda. -
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar.