Þokkabót fagnar afmæli sínu á Græna hattinum
Þokkabót Jóhanna Þórhallsdóttir, Ingólfur Steinsson, Halldór Gunnarsson, Lárus H. Grímsson, Gylfi Gunnarsson, Lárus H. Grímsson, Haraldur Þorsteinsson og Ásgeir Óskarsson. Myndir aðsendar
Rúm 50 ár eru nú liðin frá stofnun hljómsveitarinnar Þokkabótar. Fyrsta plata þeirra, Upphafið, kom út 1974. Hún vakti mikla athygli fyrir beitta texta, grípandi lög og geðgóðan flutning. Þekktasta lagið var „Litlir kassar“ og var einkennandi fyrir þá geðgóðu þjóðfélagsrýni sem einkenndi sveitina okkar á milli.
Þetta var fyrsta platan sem bar við þjóðfélagsgagnrýni á Íslandi, og náði einhverjum hæðum. Þrjár plötur fylgdu síðan í kjölfarið. Þokkabót hélt upp á 50 ára afmæli sitt með tónleikum í Salnum, Kópavogi 21. mars og seldist upp fljótt og vel og voru undirtektirnar frábærar. Aukatónleikar verða í Salnum 5, júní og er að fyllast á ný.
Fyrst er þó stefnan tekin á Græna hattinn á Akureyri laugardagskvöldið 31. maí.
Hvergerðingurinn Halldór Gunnarsson og seyðfirsku piltarnir Ingólfur Steinsson, Gylfi Gunnarsson og Magnús R. Einarsson skipuðu upphaflegu sveitina en nokkrar breytingar urðu í framhaldinu. Á tónleikunum verða Halldór, Ingólfur og Gylfi ásamt Lárusi H. Grímssyni, Haraldi Þorsteinssyni og Ásgeiri Óskarssyni sem voru með á síðustu plötunni, í Veruleik. Í hópinn bætist nú Jóhanna Þórhallsdóttir, söngkonan ástsæla, en hún kom mikið við sögu á einni plötu Þokkabótar, Fráfærum.
Þokkabót lofar góðri skemmtun og nostalgíu.
Hjólbörumyndin gamalkunna. Frá vinstri: Magnús R. Einarsson, Halldór Gunnarsson, Ingólfur Steinsson og Gylfi Gunnarsson.
Nýjast
-
Sýning ársins opnar í Sigurhæðum með nýjum verkum Margrétar Jónsdóttur
Laugardaginn 7. júní n.k. verður opnun á ferskri heildarsýningu í Menningarhúsi í Sigurhæðum ásamt mögnuðum og glæsilegum nýjum verkum Margrétar Jónsdóttur leirlistamanns, sem hún hefur unnið sérstaklega fyrir Sigurhæðir af einstakri natni síðastliðið ár. Þar gefur að líta 17 persónur tengdar sögu Sigurhæða auk nýrra veggverka. Sýning Margrétar er hluti af 40 ára starfsafmæli hennar sem listamanns á Akureyri. -
Púslið sem passar ekki
„Ég er á skjön við það sem ég þekki, það er sama hvernig ég sný, því ég er púslið sem að passar ekki við púsluspilið sem það er í, við púsluspilið sem það er í.“ -
Fróðir fjármálasnillingar og frábærar fyrirmyndir í Fjallabyggð
Mikilvægt að fjalla um það sem jákvætt er -
Kvaddi skólann eftir 20 ár
Valgerður Gunnarsdóttir lætur af störfum sem skólameistari Framhaldsskólans á Húsavík eftir farsælan feril -
Skítaveður í kortunum
Það hefur ekki farið framhjá einum eða neinum að veðrabrigði blasa við okkur og það er best að taka þá veðurspá alvarlega. Það mun bresta á um og eftir hádegi á morgun mánudag og Veðurstofa Íslands hefur gefið út gular og svo appelsínugular viðvaranir. -
Gestkvæmt hjá ÚA í gær
Þúsundir Akureyringa og gesta kynntu sér starfsemi Útgerðarfélags Akureyringa við Fiskitanga á Akureyri í gær, laugardaginn 31. maí. -
Fjölmenni tók þátt í dagskrá í tengslum við Sjómannadaginn
Fjölmenni var í Sandgerðisbót í dag og naut fólk dagskrár í tengslum við Sjómannadaginn ríkulega. Verbúðir voru opnar og boðið uppá smakk af sjávarfangi, Karlakór Akureyrar tók lagið og eitt þúsund grillaðar pylsur runnu vel niður hjá gestum sem eins og fyrr sagði létu sig ekki vanta. -
Sýning á Iðnaðarsafni í tilefni af 80 ára afmæli ÚA
Útgerðarfélag Akureyringa heldur um þessar mundir upp á 80 ára afmæli sitt, félagið var formlega stofnað 26. maí árið 1945. Aðeins fyrr eða um miðjan mars hafði verið boðað til undirbúningsfundar þar sem áhugi fyrir stofnun útgerðarfélags í bænum var kannaður. -
Hvatningarverðlaun Eyrarrósarinnar í Þingeyjarsveit
Verkefnið Afhverju Ekki hlaut Hvatningarverðlaun Eyrarrósarinnar 2025! Afhverju Ekki, einnig nefnt „The Absolutely Everything Studio“, er þverfaglegt vinnustofu-rannsóknarsetur sem stofnað var árið 2024. Verkefnið er leitt af Dr. Jack Armitage fræði- og listamanni. Afhverju Ekki stuðlar að samvinnu og samstarfi með það að marki að finna lausnir á flóknum vistfræðilegum viðfangsefnum. Setrið er staðsett í Breiðanesi, á Laugum í Þingeyjarsveit. Þegar hefur verið tekið á móti sex fræði- og listamönnum sem komið hafa til vinnudvalar og unnið að hönnun, hugbúnaðarþróun og listsköpun, meðal annars fyrir sýningu Íslands á Feneyjartvíæringnum í arkitektúr.