Þetta eru óþolandi vinnubrögð
Ríkisendurskoðun hefur verið falið að endurmeta forsendur Vaðlaheiðarganga.
Það eru gríðarleg vonbrigði að málið skuli fara í þennan farveg, segir Geir Kristinn Aðalsteinsson forseti bæjarstjónar Akureyrar, um þá ákvöðrun meirihluta umhverfis- og samgöngunefndar Alþingis, að fela Ríkisendurskoðun að endurmeta forsendur Vaðlaheiðarganga. Geir segir að með þessu sé verið að kasta rýrð á þá óháðu aðila sem reiknað hafi út forsendur verkefnisins, Saga Fjárfestingarbanka, MP banka og fleiri.
Mér virðist sem ákveðnir aðilar á Alþingi séu að gera allt sem þeir geta til þess að véfengja þetta verkefni. Og ég spyr mig hveru lengi þeir geta haldið áfram. Þetta eru óþolandi vinnubrögð og það er eins og að öll tækifæri sem líta dagsins ljós á landsbyggðinni séu slegin af eins og hendi sé veifað. Við höfum ekki gefist upp og munum berjast fyrir þessu verkefni til síðasta blóðdropa. Geir segir að þáttur FÍB í málinu sé með hreinum ólíkindum. Ég veit ekki hvaða hagsmuni þeir eru að verja. Þetta er ekki spurning um Vaðlaheiðargöng eða eitthvað annað og það er ekki hlutverk FÍB að vera málsvari ríkissjóðs og þá hvort þetta verkefni lendir á ríkissjóði eða ekki. Fulltrúar FÍB eiga að hugsa um bíleigendur og það eru líka bíleigendur úti á landi.
Pétur Þór Jónasson framkvæmdastjóri Eyþings og stjórnarmaður í Vaðlaheiðargöngum hf. sagði það grafalvarlegt að þessi krafa um ríkisendurskoðun skuli vera að koma fram nú, á síðustu metrum undirbúnings. Fjallað hafi verið um málið í nefndinni sl. vor og þá sé kveðið á um þetta verkefni í lögunum sem voru samþykkt á síðasta ári. Einnig sé fjárheimild í fjárlögum til framkvæmda. Umhverfis- og samgöngunefnd kallaði ekki eftir sérstakri úttekt á þessum útreikningum þegar hún hafði málið til umfjöllunar í vor. Eftir það hefur verið farið í útboð og samningagerð við landeigendur og það liggur fyrir tilboð í brúargerðina og sjálf göngin. Það er grafalvarlegt ef ekki verður hægt að fara að ganga frá þessum málum, við höfum ekki ótakmarkaðan tíma og gætum því lent í slæmum málum og miklum kostnaði. Ég vona að málið fái skjóta afgreiðslu hjá ríkissendurskoðun en það er alveg sama hvernig menn reikna, það verður aldrei hægt að eyða allri óvissu.
Fjármálaráðherra fær heimild til að taka lán upp á einn milljarð vegna Vaðlaheiðarganga samkvæmt samþykkt meirihluta fjárlaganefndar. Þetta var ákveðið þegar fjárlaganefnd afgreiddi frumvarp til fjáraukalaga vegna ársins 2011 á fundi sínum í vikunni.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.