Þetta er lykilleikur fyrir okkur
Guðlaugur Arnarsson fer yfir málin með sínum leikmönnum.
KA/Þór tekur á móti Gróttu í KA-heimilinu í dag kl. 16:00 er N1-deild kvenna í handknattleik hefst að nýju eftir tæplega tveggja mánaða hlé. Fjórir leikir fara fram um helgina en FH mun sitja hjá þessa helgi. KA/Þór hefur tvö stig í næstneðsta sæti en Grótta eitt stig í því neðsta. Leikurinn er því afar mikilvægur fyrir bæði lið í baráttunni um að eygja möguleika á sæti í sex liða úrslitakeppninni í vor.
Þetta er algjör lykilleikur fyrir okkur. Það eru fjögur lið sem eru að berjast þarna í neðri hlutanum og þetta er tækifæri fyrir okkur til að skilja Gróttu eftir lengra frá okkur. Við verðum að vinna þennan leik, segir Guðlaugur Arnarsson þjálfari KA/Þórs um leikinn í dag. Norðanstúlkur hafa tapað fjórum leikjum í röð en Grótta hefur tapað fimm leikjum af sex í deildinni og gert eitt jafntefli.
Þótt Grótta hafi fengið öfluga leikmenn í haust að þá tekur tíma að slípa liðið saman. Þetta er engu að síður gott lið og verður örugglega hörkuleikur og við þurfum helst að stoppa einn leikmann, Sunnu Maríu (Einarsdóttur), sem er þeirra besti leikmaður, segir Guðlaugur. Hann segir sitt lið vera í fínu standi eftir þessa löngu pásu. Staðan á okkur er bara góð. Við nýttum pásuna nokkuð vel til að fara yfir þá hluti sem okkur fannst við þurfa að laga og æfðum vel.
Nýjast
-
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.