Þetta er hægt og framhaldið lofar góðu
„Við erum sátt við hvernig til tókst, það sem við lærðum af þessu er að þetta er hægt og framhaldið lofar góðu,“ segir Hjörvar Kristjánsson skipaverkfræðingur og verkefnastjóri á útgerðarsviði Samherja eftir að Oddeyrin EA kom að landi eftir stuttan prufutúr. Fyrst og fremst var verið að prófa hvernig búnaður og veiðarfæri virkuðu en annars konar verklag er við að setja út veiðarfæri og taka þau inn en á hefðbundnum veiðiskipum.
Oddeyrin kom til landsins í sumar eftir gagngerar breytingar hjá danskri skipasmíðastöð. Slippurinn sá um að setja nýjan vinnslubúnað um borð. Hægt er að dæla fiski um borð og geyma lifandi í sérútbúnum tönkum um borð. Skipið verður einskonar tilraunaskip Samherja í vegferð sem nú verður haldið í sem snýst um að geyma fisk lifandi um borð og landa í kvíar. Með þessu er hægt að auka afhendingaröryggi og lengja líftíma ferskra afurða. Aðferðin byggist á því að fiski er dælt um borð og tankar eru útbúnir sjódælukerfi til að tryggja súrefni svo að fiskurinn haldist á lífi.
„Það gekk allt vel, við prófuðum okkur áfram og vissulega eru ýmis atriði í ferlinu sem við munum laga, allt minniháttar mál. Ánægjulega niðurstaðan er sú að þetta er hægt og virkar,“ segir Hjörvar. Engin útgerð á Íslandi landar lifandi fiski, en aðferðin þekkt í Noregi og hefur verið notuð þar í nokkur ár. Veitt verður í hefðbundna botnvörpu en í stað þess að taka pokann inn á dekk og sturta ofan í lest verður pokinn tekinn á síðuna á aflanum dælt um borð með sogdælukerfi.
Þrusuáhöfn um borð
Til stendur að Oddeyrin haldi til veiða síðdegis eða í kvöld og fari þá í fullan túr. Þá verður vinnslan líka prófuð betur og verklag þróað. Hjörvar segir að um talsverðar nýjungar sé að ræða varðandi vinnubrögð, „en þetta er þrusuáhöfn um borð, allir jákvæðir og sveiganlegir og tilbúnir að vinna saman í þessu,“ segir hann. „Það er stór óplægður akur framundan í þessu hjá okkur. Við hlökkum til að takast á við þau verkefni og munum án efa betrumbæta eitt og annað á næstunni.“
Nýjast
-
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni.
Athugasemdir