"Þetta er alveg frábær tilfinning"
Aron Einar Gunnarsson. Mynd: Sport.is
Þetta er alveg frábær tilfinning. Maður bjóst ekki við þessu þegar maður skrifað undir hjá Cardiff á sínum tíma, segir knattspyrnumaðurinn Aron Einar Gunnarsson frá Akureyri, sem mun spila með liði sínu Cardiff City til úrslita í enska deildarbikarnum gegn Liverpool. Leikurinn fer fram á Wembley-leikvanginum margfræga þann 26. febrúar nk. Cardiff lagði Crystal Palace að velli, 4-1, í vítaspyrnukeppni í undanúrslitum sl. þriðjudagskvöld en bæði liðin leika í 1. deildinni á Englandi. Aron Einar var hársbreidd frá því að tryggja Cardiff sigur í framlengingunni, þegar hann átti hörkuskalla í þverslána. Ég ákvað að halda smá spennu í þessu og fara með þetta alla leið í vítaspyrnukeppni, sagði Aron kíminn. Boltinn vildi bara alls ekki fara inn hjá okkur þarna í lokin en það var ennþá sætara að klára þetta svona. Hann segir það ákveðinn draum að fá að spila á Wembley. Þetta er tækifæri sem maður fær kannski einu sinni á lífsleiðinni sem knattspyrnumaður, ef maður er heppinn. Þannig að ég er bara stoltur Íslendingur í dag, segir Aron. Ljóst er að róðurinn verður þungur í úrslitaleiknum fyrir Aron Einar og hans menn í Cardiff gegn úrvalsdeildarliði Liverpool. Aron segist ánægður með að mæta Liverpool í úrslitum og hefði fyrirfram frekar kosið að mæta þeim en Manchester City. Hvorugt þessara liða er óskamótherji enda bæði mjög góð lið. Ég held hins vegar að við eigum meiri möguleika gegn Liverpool þar sem City hefur gríðarlega sterkan hóp. Við getum vel lagt Liverpool að velli ef við hittum á góðan dag en það verður erfitt. Liverpool er stórlið og ég bíð spenntur eftir að fá að takast á við þetta verkefni, segir Aron Einar.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.