„Þessi staða er algjörlega óásættanleg“
Öldrunarheimilið Hlíð á Akureyri. Mynd/Þröstur Ernir
Kristveig Atladóttir sjúkraþjálfari segir óboðlegt að aldraðir einstaklingar í hvíldarinnlögn á Öldrunarheimilinu Hlíð á Akureyri fái ekki sjúkraþjálfun. Vikudagur fjallaði um málið í síðustu viku þar sem Guðný Bergvinsdóttir hjúkrunarfræðingur var ósátt við að móðir hennar eigi ekki rétt á sjúkraþjálfun í hvíldarinnlögn.
„Mér finnst þessi staða algjörlega óásættanleg,“ segir Kristveig, sem starfar sem sjúkraþjálfari á SAk. „Ég horfi því oft á eftir fólki inn á Hlíð og það er erfitt að vita til þess að fólkið fái ekki sjúkraþjálfun í hvíldarinnlögn. Markmiðið með hvíldarinnlögn er að að byggja fólk upp svo það geti búið lengur heima þannig að það skýtur skökku við að fólkið fái ekki sjúkraþjálfun,“ segir Kristveig.
Halldór Sigurðsson, framkvæmdastjóri Öldrunarheimila Akureyrar, sagði í síðasta blaði að hjá ÖA séu tímabundnar dvalir og fær stofnunin
greitt fyrir það eins og venjuleg hjúkrunarrými. Hins vegar hafi ekki fengist viðurkennd endurhæfingarrými og þess vegna sé minni þjónusta í hvíldarrýmum. Kristveig bendir á að þetta sé ekki dýr þjónusta í stóra samhenginu.
„Það hefur sýnt sig að sjúkraþjálfun hjá öldruðum skiptir verulegu máli. Þetta er einn þáttur sem vantar inn á Hlíð og málið hefur verið rætt á meðal sjúkraþjálfara. Þessu þarf að breyta. Vandamálið hefur verið lengi til staðar og ég skora á yfirvöld á Hlíð að breyta þessu,“ segir Kristveig Atladóttir.
Samkvæmt upplýsingum Vikudags er víða lögð áhersla á það á öldrunarheimilum á höfuðborgarsvæðinu að aldraðir fái sjúkraþjálfun í hvíldarinnlögn til þess að geta búið lengur heima.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.