"Þarf breytingu til að bæta mig sem leikmaður"
Rakel Hönnudóttir í leik með Þór/KA í sumar.
Það urðu stórtíðindi í kvennaknattspyrnunni í síðustu viku þegar ein dáðasta knattspyrnukona Akureyrar, Rakel Hönnudóttir, yfirgaf Þór/KA og gekk í raðir Breiðabliks. Hún mun því leika með Kópavogsliðinu í Pepsi-deildinni næsta sumar. Í spjalli við Vikudag um félagaskiptin segir Rakel að þetta sé skref sem hún einfaldlega þurfti að taka fyrir knattspyrnuferilinn. Ég þurfti að hugsa þetta mjög lengi. Mér finnst gengið mitt á vellinum upp á síðkastið ekki vera nægilega gott og ég hafi staðið svolítið í stað. Þannig að ég held að breyting sé það sem ég þarf á að halda til að bæta mig sem leikmaður. Ég vona að þetta sé skref upp á við á mínum ferli, segir Rakel og bætir við að fleiri lið hafi komið til greina. Það var haft sambandi við mig frá öðrum félögum en mér leist best á æfingaaðstöðuna hjá Blikum og held að aðstaðan þar muni henta mér best. Rakel segist ekki hafa fengið neinar fyrirspurnir erlendis frá en hún hafði sett stefnuna á atvinnumennsku. Ég ætlaði mér að fara út og hefði svo sem getað farið bara eitthvað. Ég hef samt meiri metnað en að fara bara í eitthvert lið og vil gera það almennilega þegar að því kemur. Ég lít á förina til Breiðabliks sem viðkomustað til að bæta mig meira áður en ég held út í atvinnumennsku, segir hún.
Verður erfitt að koma á Þórsvöll
Rakel, sem er 23 ára, hóf að leika með meistaraflokki Þórs/KA árið 2004 og á hún að baki 135 leiki í 1. og efstu deild með félaginu og í þeim leikjum hefur hún skorað 124 mörk. Hún hefur jafnframt verið fyrirliði liðsins undanfarin ár. Hún segir það hafa verið afar erfiða ákvörðun að yfirgefa uppeldisfélagið. Þetta er eitt það erfiðasta sem ég hef á ævi minni gert. Það tók líka langan tíma fyrir mig að segja þetta upphátt en ég held að þetta hafi verið best fyrir mig samt. Hún segir að það verði blendnar tilfinningar að mæta á Þórsvöllinn næsta sumar, sem andstæðingur Þórs/KA liðsins. Ég er einmitt búin að hugsa mikið um það og það verður erfitt. En það fylgir þessu bara, segir Rakel Hönnudóttir.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.