Þankar Ingólfs XXI
Ógn var erfitt í æsku að skilja þá þversögn að samviskusemi á einu sviði gæti orðið til tjóns á öðru. Til hvers að reyna að leggja sig fram og gera allt sem best ef sá gjörningur varð til þess að eitthvað allt annað og óskylt rynni út í sandinn? Þessar vangaveltur þutu í gegnum höfuðið þegar ykkar einlægur gekk út af skrifstofu Hannesar J. Magnússonar skólastjóra eftir að hafa tekið fullnaðarbróf frá Barnaskólanum eina. Sá mæti maður hafði að prófum loknum kallað mig á sinn fund og bauð mér sæti með alvörusvip. Ég velti fyrir mér hvort ég hefði gert eitthvað af mér. Hvað var að gerast?
Skólastjórinn hóf mál sitt blíðlega og sagði að ég hefði staðið mig vel á prófunum en hins vegar væri ekki unnt að ganga frá fullnaðarprófsskírteini vegna þess að mig vantaði sundið. Ef ég réði ekki bót á því yrði því miður ekki um frekari skólagöngu að ræða. Ég stundi upp að ég hafi þurft að fara strax á vorin eftir að skólanum lauk í sveitina til að hjálpa við sauðburðinn og þá var ekki búið að opna sundlaugina. Það væri ástæða þess að ég hefði aldrei farið í sund enda hefði ég hlutverki að gegna í sveitinni og vildi ekki bregðast fólkinu þar. Hannes spurði hvort ég gæti ekki komið á sundnámskeið um haustið. “Þá verð ég í göngum og svo kemur sláturtíðin,” sagði ég og taldi öll tormerki á því. Skólastjórinn andvarpaði og sagði góð ráð vera orðin nokkuð dýr því reglur gerðu ráð fyrir að allir taki sundprófið.
Þarna sat ég eins og klessa og allt benti til að námsferli mínum væri lokið vegna þess að ég hefði aldrei komist í sund! Þess í stað hafði ég alltaf þotið í sveitina á hverju vori til að hjálpa við sauðburðinn, heyskapinn, göngur og svo sláturtíðina. Sveitastörfin heilluðu mig og þar upplifði ég þá miklu lífsnautn að vinnuframlag mitt skipti máli og mér treyst til margra vandasamra verka. Sem ég horfði á skólastjóra minn í þessari vonlausu stöðu þótti mér ég vera eins og einmana ánamaðkur á miðju malbikuðu stræti þar sem engu skipti hvert skriðið væri; allt jafn vonlaust. Hvað var til ráða? Að lokum sagðist ég ætla reyna að fá mig lausan að loknum engjaslætti og gæti þá vonandi mætt í sundkennslu eftir miðjan september um haustið. Hannes samþykkti þessa tillögu og við skildum sáttir.
Á tilsettum tíma um haustið var ég mættur í skúrinn norðan við sundlaugina skrýddur glænýjum sundbuxum. Hikandi gekk ég þrettán vetra niður til laugar þar sem Tryggvi Þorsteinsson sundkennari tók mér opnum örmum. Hann afhenti mér kork og kút og leiðbeindi hvernig ég ætti að taka fyrstu sundtökin. Eftir hálfan mánuð var ég talinn syntur, tók prófið og allar götur greiðar til frekara náms. Samt nagaði samviskan mig að hafa brugðist velgerðarfólki mínu í sveitinni. Á móti kom að ég gat haldið áfram skólagöngu. Sannaðist enn einu sinni að vandasamt getur verið að þjóna samviskunni á einu sviði án þess að vinna gegn henni á öðru.
Ingólfur Sverrisson
Nýjast
-
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi. -
Hörður Óskarsson styrkir Krabbameinsfélagið
Hörður Óskarsson færði Krabbameinsfélagi Akureyrar og nágrennis ríflega hálfa milljón króna sem er andvirði af sölu á skarti úr gamalli mynt sem hann selur undir nafninu Mynthringir og alls konar. -
Háskólinn á Akureyri Endurskoðun jafnréttisáætlunar í fullum gangi
Um þessar mundir stendur yfir endurskoðun á áætlun háskólans um jafna stöðu kynjanna sem gildir frá 2021 til 2024 og jafnréttisráð Háskólans á Akureyri stendur að þeirri vinnu. Jafnréttisráð HA er öflugt og virkt ráð sem heldur reglulega fundi og tekur fyrir og fylgir eftir erindum starfsfólks og stúdenta. Þá er boðið upp á fræðslu innan skólans ásamt þátttöku í skipulagi Jafnréttisdaga sem haldnir eru árlega. Ráðið hefur starfskraft á sínum snærum, Sæunni Gísladóttur, sérfræðing hjá Rannsóknamiðstöð Háskóla Akureyrar. -
Andrésar andarleikarnir haldnir í 48 sinn
Andrésar andarleikarnir í skíðaíþróttum verða haldnir í Hlíðarfjalli í næstu viku, dagana 24.-27. apríl. Skíðafélag Akureyrar heldur leikana og er þetta í 48. sinn sem efnt er til þeirra. -
Stöðug aukning í blóð- og krabbameinsmeðferðum hjá SAk
Krabbameinsfélag Akureyrar og nágrennis afhenti formlega á dögunum almennu göngudeildinni á SAk þrjá meðferðarstóla og þrjú hliðarborð. Mikil aukning hefur orðið í blóð- og krabbameinsmeðferðum undanfarin ár og stefnir í að svo verði áfram. -
Formannaskipti í Sjálfsbjörg, félagi fatlaðara á Akureyri og nágrenni
Formannaskipti urðu í Sjálfsbjörg, félagið fatlaðra á Akureyri og nágrenni á aðalfundi nýverið. Herdís Ingvadóttir lét af formennsku eftir 24 ár. Hún getur að sögn gengið stolt frá borði eftir farsæla setu í stól formanns. Hún hafði um 6 ára skeið þar á undan setið í stjórn félagsins eða í allt í þrjá áratugi.
Athugasemdir