„Það var mikið þarna sem ekki er búið að endurnýja mjög lengi“
Hvalasafnið á Húsavík hefur verið lokað síðan í nóvember á síðasta ári en þar standa yfir umfangsmiklar framkvæmdir við endurnýjun á sýningarrýmum safnsins.
„Það eru í raun verið að endurgera flestar sýningar á neðri hæð safnsins. Þar með talið alla gömlu frystiklefana,“ segir Heiðar Hrafn Halldórsson verkefnastjóri safnsins en eins og staðkunnugir vita var húsnæði Hvalasafnsin áður sláturhús Þingeyinga.
„Við flotuðum gólfin en það hefur líklega aldrei verið gert áður. Þau voru bara hrá eins og frá því á sláturhústímanum,“ útskýrir Heiðar Hrafn og bætir við að sýningarhönnuðir komi með reglubundnum hætti og setji sitt mark á vinnuna.
Kominn sjálfur í málningargallann
Heiðar Hrafn er lærður málari og segist vera búinn að vera í málningargallanum síðustu misserin. „Já, það hefur oft komið sér vel að vera málari í þessu starfi,“ segir Heiðar Hrafn og hlær.
Aðspurður segir Heiðar Hrafn að ekki sé um sérstakar áherslubreytingar að ræða í tengslum við framkvæmdirnar. Það hafi einfaldlega verið kominn tími á endurnýjun í rýminu. „Það var mikið þarna sem ekki er búið að endurnýja mjög lengi. Kominn tími á ansi margt þarna,“ útskýrir hann og bætir við að eins og oft vilji verða í endurnýjunarframkvæmdum að eitt leiði af öðru, þannig komi ýmislegt í ljós sem ekki var séð fyrir í upphafi.
Ora-ljós í dós
„Þetta átti ekki að verða svona mikið í upphafi en þetta vatt svona upp á sig. Svo fórum við líka að endurnýja lýsingu. Það var búið að vera frá upphafi gamlar perur í heimasmíðuðum ljósum úr niðursuðudósum. Það var verið að nýta allt þegar safnið var hannað í upphafi til að hafa það eins ódýrt og hægt var. Við erum að skipta ora-dósunum út og uppfæra svo að segja alla lýsingu á safninu,“ útskýrir Heiðar Hrafn og bætir við að led-lýsing taki við af niðursuðudósunum.
„Þetta á allt að verða tæknivæddara, m.a. hægt að stýra lýsingunni í símanum og allt eftir því,“ segir Heiðar Hrafn sem oft er kenndur við Sandhóla á Tjörnesi.
Opnað í áföngum
Aðspurður um hvenær von sé á að Hvalasafnið opni dyr sýnar fyrir gestum á ný segir Heiðar Hrafn vonast til þess að það verði á næstu vikum. „Ég er að vonast til þess að við getum opnað að minnsta kosti hluta af safninu um miðjan mars. Frystiklefarnir innst á neðri hæðinni verða svo tilbúnir einn af öðrum fljótlega í kjölfarið. Við erum með aðalsýningarrýmið í forgangi,“ útskýrir hann.
„Við munum svo halda formlega opnun þegar allt er klárt og notum tækifærið til að vígja pallinn sem reistur var vestan við húsið í tengslum við uppbygginu Stéttarinnar, húsnæði Þekkingarnets Þingeyinga,“ segir Heiðar Hrafn að lokum.
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir