Það er mikill metnaður í gangi hjá félaginu
Jóhann Helgason glaðbeittur með KA trefilinn og fagnar því að vera kominn heim. Mynd: Þórir Tryggvason.
Ég er hæstánægður með að vera kominn heim og mér fannst vera kominn tími á þetta, segir miðjumaðurinn Jóhann Helgason nýjasti liðsmaður KA. Jóhann gengur í raðir síns uppeldisfélags á nýjan leik en hann kemur á lánsamningi frá Grindavík og mun leika með KA-liðinu í 1. deildinni næsta sumar. Þetta er búið að vera í vinnslu lengi og fínt að þetta sé loksins komið í gegn, segir Jóhann og bætir því við að það séu spennandi tímar framundan hjá félaginu. Mér finnst vera ákveðin vakning í gangi hjá félaginu og mikill metnaður í að gera vel. Menn vilja rífa klúbbinn upp eftir lægð sem liðið hefur verið í síðustu ár og mig langar til þess að taka þátt í því. Honum líst vel á KA-liðið og segir það hafa burði til þess að berjast á toppnum næsta sumar. Það eru fullt af ungum og efnilegum strákum í þessu liði og í bland við reynslubolta. Ef liðið fær einn til tvo leikmenn í viðbót, sem þá yrði að vanda valið á, að þá tel ég að það sé ekki spurning um að við verðum í toppbaráttunni. Jóhann, sem er 28 ára, er gulur og blár í gegn. Hann spilaði með KA upp allra yngri flokkana og á að baki 51 meistaraflokksleik í efstu deild, 1. deild og bikar með KA á árunum 2002-2006. Þá gekk hann til liðs við Grindavík og hefur síðan spilað þar samtals 126 leiki, þar af spilaði hann 24 leiki á liðnu keppnistímabili með Grindvíkingum í Valitor-bikarnum og Pepsi-deildinni. Í þessum 177 meistaraflokksleikjum hefur Jóhann skorað 21 mark. Þá á hann að baki fimm landsleiki á árunum 2001-2003 með U-18, U-19 og U-21 ára landsliðum Íslands.
Spennandi 1. deild
Jóhann segir spennandi að takast á við 1. deildina sumar sem hann segir vera sterkari núna en undanfarin ár. Þetta á eftir að vera mjög jafnt og spennandi. Það eru 5-6 lið sem ætla sér upp og það er ekkert lið sem maður er að sjá að verði eitthvað yfirburðarlið í deildinni, segir Jóhann. Hann er þriðji leikmaðurinn sem gengur í raðir KA frá liðnu sumri en þeir Gunnar Valur Gunnarsson og Bjarki Baldvinsson hafa einnig samið við félagið. Samkvæmt heimildum Vikudags hafa KA-menn ekki lokað veskinu og ætla m.a. að krækja í sóknarmann fyrir sumarið.
Nýjast
-
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.