Það er gott að búa á Akureyri
„Þetta nær ekki hingað inneftir“. Ég heyrði þessi orð fyrst þegar við eiginmaðurinn fórum að draga okkur saman fyrir nokkrum árum og spáð var vondu veðri á Norðurlandinu eins og gengur og gerist. Nú hef ég ekki tölu á því hversu oft ég hef heyrt þau, sér í lagi eftir að ég fluttist til Akureyrar. Veður er eitt helsta umræðuefni og áhugamál Íslendinga. Þar erum við hjónin ekki undanskilin. Við komum hins vegar úr sitthvoru veðrakerfinu. Hann, Akureyringurinn, er vanari stöðugra blíðviðri en annesjabarnið frá Siglufirði. Hróðugur horfir hann á veðurfréttirnar og segir að ef spáð sé 12 gráðum á Akureyri, þá verði að minnsta kosti 14 stiga hiti. Þá hefur hann ósjaldan horft út um gluggann og tjáð mér að úti sé brjálað veður, þegar ég kem hreinlega ekki auga á óveðrið og finnst lítið til smá hríðarkófs koma.
Löngum hefur verið sagt um Akureyringa að þeir séu grobbnir, sérstaklega af góða veðrinu sem virðist eiga lögheimili í póstnúmeri 600. Þjóðin er enda komin með það á hreint að á Akureyri er alltaf gott veður, eins og kemur vel fram í útvarpsviðtölum sem tekin eru við fólk staðsett hér fyrir norðan. En er þetta grobb eða er eitthvað til í þessu? Mér er það ljúft að staðfesta að hér er oftar gott veður en ekki. Mun oftar.
Mín kenning er sú að „grobbið“ margumrædda sé einfaldlega einlæg ánægja Akureyringa með heimabæinn sinn. Svona almennt allavega. Og það þykir mér aðdáunarvert. Því hversu miklu betra er það fyrir lundina að búa og starfa í umhverfi sem manni þykir fallegt og er ánægður með, heldur en ef maður er hundóánægður með það? Síkvartandi og kveinandi yfir því sem fyrir augu ber, því sem vantar og svo framvegis. Grámóskuleg væri sú tilvera.
Hvaða augum við lítum tilveruna hefur nefnilega svo mikið að segja. Hversu sátt við erum með það sem er okkar og hvort við höfum þörf fyrir að sækja eitthvað eitthvert annað. Líður okkur vel heima hjá okkur? Óskum við þess að búa einhvers staðar annars staðar? Hlökkum við til að koma heim þegar við erum á ferðalagi? Hægt er að velta þessum spurningum fyrir sér út frá ýmsum sjónarhornum en þær verða alltaf persónubundnar. Okkar eigin reynsla, atvinna, áhugasvið og fjölskylduhagir hafa t.d. áhrif á það hvar við viljum búa og í hvernig samfélagi. Við erum ekki tré og getum fært okkur auðveldlega úr stað. Við getum þannig bundist mörgum ólíkum stöðum sterkum böndum um ævina.
Fyrir skömmu spannst umræða á samfélagsmiðlum um hver mætti kalla sig Akureyring og hver ekki. Tilefnið var pistill Hjörleifs Hallgríms sem birtist í Vikublaðinu í byrjun mánaðarins, þar sem hann gerði að umtalsefni hversu fáir „alvöru“ Akureyringar komu að afmælisþætti Akureyrarbæjar, sem var á dagskrá Rásar 2 í lok ágúst. Nú eru engar reglur til um það hvort og hvenær menn mega kalla sig Akureyringa enda vafalaust erfitt að setja slík viðmið og með öllu óþarft. Fólk finnur það með sjálfu sér. Sem betur fer voru flestir, ef ekki allir, sem tóku þátt í umræðunni á því að ekki ætti að draga fólk í dilka heldur fagna því að hingað vilji fólk flytja og gerast þátttakendur í samfélaginu.
Því eitt er víst. Við sem höfum flutt til Akureyrar höfum komið auga á eitthvað af því jákvæða sem hér er að finna. Hvort sem það var staðurinn sjálfur eða bara einn stakur Akureyringur.
Akureyri er rík af góðu mannlífi og nágrönnum, íþróttastarfi, menningu og listum, nálægð við náttúruna, svo ekki sé minnst á flugvöllinn. Ég gæti því með góðri samvisku sagt Gunnari vini mínum Birgissyni, með ögn bjartari röddu, að það sé ekki síðra að búa á Akureyri en í Kópavogi. Þó að það sé ekki nema bara vegna veðursins.
Ég skora á Finn Yngva Kristinsson, sveitarstjóra Eyjafjarðarsveitar, að skrifa næsta pistil.
-Steinunn María Sveinsdóttir, safnstjóri Flugsafns Íslands
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir