TF- LÍF komin á Flugsafnið.
Það mátti sjá mikla eftirvæntingu í andlitum hollvina Flugsafnsins þegar nýjasti sýningargripur safnsins, björgunarþyrlan TF-LÍF, renndi i flughlaðið fyrir fram safnið nú síðdegis eftir ökuferð frá Reykjavík. Þyrlan sem er að gerðinni Aérospatiale AS-332L 1 Super Puma var pöntuð af Landhelgisgæslunni i júni 1994 og afhent hér ári seinna með mikilli viðhöfn.
,,Þetta er sannarlega mikill gleðidagur á Flugsafninu, nú þegar TF-LÍF er loksins komin á leiðarenda. Það hefur verið dálítill aðdragandi að þessu og mikil vinna liggur að baki, sem við höfum unnið í góðri samvinnu með Öldungaráði Landhelgisgæslunnar og Landhelgisgæslunni sjálfri" sagði Steinunn María Sveinsdóttir safnsstjóri á Flugsafninu í samtali við vef Vikublaðsins.
Steinunn María Sveinsdóttir safnstjóri Flugsafnsins
,,Öldungaráð Landhelgisgæslunnar hafði frumkvæði að því að þyrlan yrði varðveitt og hafði samband við okkur þegar ljóst var að hún yrði seld. Sænska fyrirtækið Ex-Change Parts AB sem keypti TF-LÍF, tók úr henni hluti sem þóttu nýtilegir og gáfu síðan Flugsafninu þyrluna af miklum góðhug. Þeir hafa einnig gefið safninu varahluti sem nýtast til að gera hana sýningarhæfa og munu Eimskip og Samherji aðstoða okkur við flutninginn á þeim til landsins. ET-flutningar voru svo rausnarlegir að flytja þyrluna norður fyrir okkur, og erum við öllum þeim sem að verkefninu koma afskaplega þakklát," bætti Steinunn María við.
Á Facebooksíðu Landhelgisgæslunar var sagan rifjuð upp:
,,Koma Lífar til Landsins árið 1995 olli straumhvörfum í þyrlurekstri Landhelgisgæslunnar. Þyrlan var mun stærri og öflugri en þær sem fyrir voru. Ekki leið á löngu þar til kaupin voru búin að sanna gildi sig því á tæpri viku í mars árið 1997 var 39 skipbrotsmönnum bjargað um borð í þyrluna þegar Víkartindur, Þorsteinn GK og Dísarfell fórust.
Við spurðum Steinunni Maríu um framhaldið. Hvenær getur þú boðið gestum að skoða þessa merkilegur viðbót við safnið? ,,Núna er TF-LÍF komin á safnið og gestir okkar geta skoðað hana strax á laugardaginn en safnið er opið á laugardögum kl. 13-16 á veturna. Flugsafnið verður einnig opið alla páskana og það styttist í að sumaropnun taki gildi. Við munum vinna að því að gera hana sýningarhæfa í vor og sumar, og koma henni síðan fyrir á varanlegum stað síðsumars. Gestir verða fyrst um sinn að líta á hana sem „verk í vinnslu“, og það verður gaman að sjá hana taka á sig endanlega mynd." sagði Steinunn María kampakát að endingu.
Nýjast
-
Fiðringur í HOFI þriðja sinn 8. maí n.k.
Fiðringur á Norðurlandi verður haldinn í HOFI þriðja sinn þann 8. maí kl 20. Skrekkur í Reykjavík og Sjálftinn á Suðurlandi eru fyrirmyndir Fiðrings sem er dýrmætur vettvangur fyrir unglingana á Norðurlandi eystra til að láta rödd sína heyrast. -
Listasafnið á Akureyri: Nemendasýningar opnaðar á laugardaginn
Laugardaginn 4. maí kl. 15 verða tvær sýningar opnaðar í Listasafninu á Akureyri: Nemendasýning Myndlistaskólans á Akureyri, Sjónmennt 2024, og útskriftarsýning nemenda listnáms- og hönnunarbrautar VMA, Bragðarefur. -
Nýr sviðsstjóri Netöryggismiðstöðvar Íslands
Skúli Bragi Geirdal, sérfræðingur í miðlalæsi hjá Fjölmiðlanefnd er nýr sviðsstjóri SAFT - Netöryggismiðstöðvar Íslands (Safer Internet Center á Íslandi). -
Ólöf Ása Benediktsdóttir ráðin skólastjóri Hrafnagilsskóla
Sveitarstjórn Eyjafjarðarsveitar hefur ákveðið að ráða Ólöfu Ásu Benediktsdóttur í stöðu skólastjóra Hrafnagilsskóla og mun hún taka formlega við stöðunni þann 1. ágúst 2024. Ólöf Ása hefur starfað við Hrafnagilsskóla frá því árið 2005, lengst af sem umsjónarkennari en veturinn 2016-2017 leysti hún af sem aðstoðarskólastjóri -
Afkoma Kjarnafæðis Norðlenska í samræmi við væntingar
Afkoma Kjarnafæðis Norðlenska hf. fyrir árið 2023 var í samræmi við áætlanir þrátt fyrir krefjandi ytri aðstæður á árinu. Fjármagnskostnaður var samstæðunni íþyngjandi í því háa vaxtaumhverfi sem einkenndi árið 2023 en aðhald í rekstri og hagræðingaraðgerðir vegna samruna Kjarnafæðis og Norðlenska hafa á sama tíma skilað verulegum rekstrarbata. -
Akureyri - Hængsmenn eru höfðingjar
Lionsklúbburinn Hængur heldur sitt árlega Hængsmót í 42 skiptið um komandi helgi, 3 til 5 maí. Á mótinu keppa um 200 keppendur í Boccia og lýkur mótinu með veglegu lokahófi og balli. -
Sveitarstjórn Svalbarðsstrandarhrepps Nú sem áður gjaldfrjálsar skólamáltíðir
Sveitarstjórn Svalbarðsstrandarhrepps fagnar því að aðilar á vinnumarkaði hafi sameinast um skynsamlega langtíma kjarasamninga með áherslu á minni verðbólgu, lægri vexti, aukinn fyrirsjáanleika og þar með að skapa skilyrði fyrir stöðugleika í íslensku efnahagslífi. -
Umhverfisverðlaun Eyjafjarðarsveitar
Þann 29.apríl afhenti Atvinnu- og umhverfisnefnd tvenn umhverfisverðlaun, annarsvegar í flokki einstaklinga og hinsvegar í flokki atvinnustarfsemi. -
Löngu tímabært að taka þetta samtal
-Segir Huld Hafliðadóttir, einn af stofnendum SVÍVS um Málþing um framtíð Skjálfandaflóa á Húsavík
Athugasemdir