Telur veggjöld ekki standa undir kostnaði við Vaðlaheiðargöng
Veggjöld í Vaðlaheiðargöng munu ekki standa undir kostnaði við gerð og rekstur ganganna. Líklegt er að framkvæmdin verði mun dýrari en núverandi áætlanir gera ráð fyrir og að milljarða-kostnaður falli á ríkissjóð. Alþingi ákveður á næstunni hvort heimila eigi ríkissjóði að veita ríkisábyrgð vegna framkvæmda við Vaðlaheiðargöng eða að ríkið taki tíu milljarða króna lán sem veitt verði til verkefnisins. Ráðgjafarfyrirtæki hefur kannað hagkvæmni ganganna, hvort þau standi undir sér með veggjöldum, sem er forsenda fyrir stuðningi innanríkisráðuneytisins. Fjármálaráðuneytið hefur ekki enn viljað birta niðurstöðurnar.
Þetta kom fram í Sjónvarpsfréttum RÚV í kvöld. Þar kom einnig fram að stjórnarformaður Vaðlaheiðarganga hafi sagt þingmönnum að verkefnið standi undir sér með veggjöldum. Miðað við umferðarspá verði hægt að
greiða upp langtímalán félagsins á 25-30 árum, miðað við spá félagsins um aukna umferð. Veggjald yrði um eitt þúsund krónur fyrir fólksbíl. Upplýsingar frá Vegagerðinni sýna hins vegar, að í fyrra nam samdráttur í 5,3%, mesta samdrátt frá árinu 1975, eða frá því að mælingar hófust. Umferðin um Víkurskarð minnkaði enn meira á árinu, eða um 6,7%. Pálmi Kristinsson verkfræðingur hefur unnið ítarlegt, óháð mat á forsendum Vaðlaheiðarganga. Pálmi var ráðgjafi Spalar í undirbúningi Hvalfjarðarganga, og var aðalráðgjafi Landssamtaka lífeyrissjóða í viðræðum við stjórnvöld um fjármögnun stórframkvæmda í vegagerð á árinu 2010. Það er niðurstaða hans að innheimta veggjalda muni ekki standa undir kostnaði Vaðlaheiðarganga miðað við núverandi forsendur, þær gangi
ekki upp og endanlegur kostnaður verði hærri og tekjur af veggjöldum lægri en áætlanir geri ráð fyrir. Þá sé enn mikil óvissa um áætlaðan heildarkostnað, áætlaður rekstrarkostnaður sé of lágur, núverandi umferð sé of lítil og mikill samdráttur í almennri umferð. Spá um umferðaraukningu sé of há og greiðsluvilji vegfarenda ofmetinn miðað við ávinninginn af því að fara um göngin í stað þess að aka um Víkurskarð. Þá fylgi verkefninu gríðarleg lánaáhætta og miklar líkur séu á að ríkissjóður þurfi að taka á sig margra milljarða krostnað vegna þess og hverfandi líkur séu á því að hægt verði að endurfjármagna framkvæmdalán ganganna með 3,7% vöxtum án ríkisábyrgðar árið 2017, en þá er gert ráð fyrir gjalddaga framkvæmdalánsins. Þá eru vinnubrögð við undirbúning verkefnisins harðlega gangrýnd, fjárhagslegur undirbúningur óvandaður og of skammt á veg kominn. Stjórnvöld eru sömuleiðis gagnrýnd sem lánveitandi fyrir ófagmannleg vinnubrögð, og takmörkuð hagsmunagæsla hafi verið fyrir hönd ríkissjóðs. Þá hafi fjármálaráðgjafar Vaðhleiðarganga hf. haft takmarkaða þekkingu og reynslu af verkefnum af þessu tagi, segir ennfremur í frétt Sjónvarpsins.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.