Tekjur af skemmtiferða- skipum gætu numið 100 milljónum króna
Reiknað er með að farþegum skemmtiferðaskipa fjölgi um 35% á árinu 2012.
Gert er ráð fyrir því að hagnaður af rekstri Hafnasamlags Norðurlands verði rúmar 33 milljónir króna á næsta ári. Samkvæmt fjárhagsáætlun ársins 2012, er gert ráð fyrir fjárfestingum á hafnaáætlun fyrir um 46 milljónir króna og er þar um að ræða endurbyggingu á Ísbryggju ÚA og er hlutur HN í þeirri framkvæmd um 40 milljónir króna og síðan í Grímsey fyrir um 6,5 milljónir króna í grjótvörn.
Utan hafnaáætlunar er gert ráð fyrir fjárfestingum fyrir um 65,5 milljónir króna. M.a. verður unnið við verk á Grenivík, Grímsey, Hjalteyri, Hofsbót og fleira. Varðandi viðhald þá verður unnið jöfnum höndum við það eftir því sem við á. Þetta kom fram í máli Geirs Kristins Aðalsteinssonar forseta bæjarstjórnar við fyrri umræðu um fjárhagsætlun Akureyrarbæjar 2012, á síðasta fundi bæjarstjórnar. Rekstur Hafnasamlagsins hefur gengið ágætlega á þessu ári og verða tekjur umfram gjöld svipaðar og gert var ráð fyrir. Þó drógust tekjur vegna skemmtiferðaskipa saman frá fyrra ári um 6 milljónir króna. Meginástæða þess samdráttar var að útgerð skipa með áætlaðar 5 komur fór í rekstrarstöðvun og sendi því skipin ekki til landsins. Útlit fyrir árið 2012 er aftur á móti mjög gott og gætu tekjur af skemmtiferðaskipum numið um 100 milljónum króna. Einnig má reikna með að fjölgun farþega á árinu 2012 verði um 35%. Á árinu keypti Samherji rekstur Brims á Akureyri og hefur það þýtt töluvert meiri umsvif fyrirtækisins á hafnarsvæðinu, sagði Geir.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.