Talsverð fækkun gistinátta á tjaldsvæðunum á Akureyri
Hann segir að fækkun hafi orðið í öllum mánuðum sumarsins en mest í júní, þá fækkaði þeim um tæplega 4.800, í júlí nam fækkunin um 1.500 gistinóttum og í ágúst um 700. Gistinóttum Íslendinga fækkaði samtals um 10.500 en á móti kom fjölgun erlendra gesta um 3.100. „Þessa fækkun má trúlega rekja til kulda í byrjun sumars en við urðum einnig áþreifanlega vör við áhrif af háu eldsneytisverði. Vegna kalskemmda og bleytu var tjaldsvæðið við Þórunnarstræti ekki opnað fyrr en 21. júní sem er rúmlega tveimur vikum seinna en venjulega. Vegna aðgerða við að bæta úr skemmdunum og vegna þess að sumarið var hæfilega rakt þá náði grasið sér furðu vel en þó eru víða stórir blettir sem þarfnast frekari lagfæringa," segir Tryggvi.
Kalskemmdir urðu einnig umtalsverðar að Hömrum og var hluti svæðisins lokaður í mest allt sumar vegna þess og hlutar þess voru endurunnir.Tryggvi segir að það hafi þó ekki haft áhrif á tjaldgesti nema að litlu leyti, því nægjanlegt pláss hafi verið til staðar á Hömrum að öllu jöfnu.
Helstu framkvæmdir í sumar voru að sögn Tryggva tengdar rafmagnsmálum á báðum svæðunum en eftirspurn eftir því að tengjast rafmagni eykst ár frá ári en nú eru í boði hátt í 300 tenglar á tjaldsvæðunum. „Veigamesta breytingin á árinu er varðar rekstur tjaldsvæðanna er svo auðvitað að fá malbikaðan veg alla leið að Hömrum og mæltist sú framkvæmd vel fyrir hjá ferðamönnum og olli straumhvörfum í samgöngumálum svæðisins," segir hann.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
