Tæp hálf milljón ferðamanna á Norðurlandi í sumar
Ferðamannasumarið á Akureyri og nágrenni lítur vel út og er gert ráð fyrir stærsta sumri frá upphafi eða um 30% aukningu að sögn framkvæmdastjóra Markaðsstofu Norðurlands.
Áætlað er að ferðamenn á svæðinu verði ríflega 400 þúsund og er það fyrir utan gesti skemmtiferðaskipa en búist er við að gestir skemmtiferðaskipanna verði hátt í 100 þúsund. „Sumarið hefur þegar byrjað vel og allt að fara í gang á flestum svæðum á Norðurlandi. Fólk er byrjað að fara í hvalaskoðun og ferðamenn eru sjáanlegir út um allt,“ segir Arnheiður Jóhannsdóttir framkvæmdastjóri Markaðsstofu Norðurlands í samtali við Vikudag.
Arnheiður segir ferðamenn vera óvenju snemma á ferðinni þetta árið. „Maí hefur oft verið erfiður og því er mjög jákvætt að þessi mánuður sé að taka við sér. Ferðatímabilið er alltaf að byrja fyrr enda hefur verið mikil áhersla lögð á það að auglýsa Ísland utan háannatíma og það er að skila sér.“ Arnheiður segir ýmsar nýjungar vera á svæðinu tengt ferðaþjónustu á Norðurlandi og þar megi t.d. nefna beinagrind af steypireið sem verður til sýnis á Hvalasafninu á Húsavík. „Það á eftir að vekja mikla athygli og einnig eru nýjungar í gistiplássi og verið að opna Hótel Laugabakka sem er 56 herbergja heilsárshótel. Það er gríðarlega góð viðbót fyrir svæðið. Þá er hvalaskoðun að vaxa gríðarlega og á Akureyri í sumar verða tveir nýjir stórir bátar og svo Rib-bátar til viðbótar,“ segir Arnheiður. /þev.
-Vikudagur, 19. maí
Nýjast
-
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu. -
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr. -
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1.
