Sýknaður þrátt fyrir ólíkindablæ á skýringu á pokahvarfi úr bíl
Maðurinn var hins vegar sakfelldur fyrir að hafa haft í vörslu á heimili sínu tæp 2 grömm af kókaíni sem lögregla fann við húsleit. Maðurinn var stöðvaður við umferðareftirlit lögreglu að næturlagi skammt norðan Akureyrar. Fíkniefnaleitarhundur fann greinilega lykt á gólfi framan við farþegasæti, en ekkert fannst í bílnum. Tveimur dögum síðar kom starfsmaður Vegagerðar til lögreglu með Hagkaupspoka sem hann kvaðst hafa fundið við eftirlit hjá Syðri-Bægisá. Í honum var taska merkt Latabæ hvar í var ilmkerti og brúnt hart efni vafið í plastfilmu. Reyndist það vera tæp 600 grömm af hassi.
Maðurinn sem ákærður var í málinu reyndist hafa keypt samskonar Latabæjartösku í Hagkaup í Grafarvogi um kl. hálf tíu að kvöldi sem og einnig ilmkerti. Hann neitaði sök í málinu og kvaðst hafa stöðvað við nokkrar verslanir í höfuðborginni áður en hann ók norður, skilið bíl sinn eftir opinn og í gangi í öll skiptin. Taldi hann hugsanlegt að einhver hefði tekið pokann úr sætinu þegar hann brá sér út. Ekkert hvarf annað úr bifreiðinni enda að sögn mannsins ekki annað fémætt þar að finna.
Dómari segir ágreiningslaust að maðurinn hafi keypt samskonar Latabæjartösku og ilmkerti og fundust við þjóðveginn í Öxnadal áður en lagt var upp í norðurför. Þá liggi einnig fyrir að fíkniefnahundur lögreglu sýndi mikinn áhuga á tilteknu svæði í bifreið hans. Þá álítur hann hafið yfir skynsamlegan vafa að taskan og kertið sem fundust í Hagkaupspoka í Öxnadal séu þau sömu og maðurinn keypti í Reykjavík skömmu áður, en maðurinn var sá eini sem keypti þessa tvö vöruflokka í versluninni á þessum tíma. Dómari þótti afar ólíklegt að annar maður hafi um svipað leyti á leið um Öxnadal með samskonar vörur og poka, að óhætt sé að slá því föstu að um poka hins ákærða hafi verið að ræða. Þrátt fyrir að nokkur ólíkindablær sé á þeirri skýringu að ókunnur maður hafi stolið pokanum þegar ákærði brá sér út úr bíl sínum áður en hann ók norður, þótti dómara ekki unnt að hafna henni sem útilokaðri og túlkaði vafa sem á skýringunni lék ákærða í hag.
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.