Svört atvinnustarfsemi er böl sem þrífst í öllum starfsgreinum
Nú eru 10 faglærðir smiðir á atvinnuleysisskrá og þar af séu 4 að störfum í sérstökum átaksverkefnum sem standa yfir í ákveðinn tíma. Umræður hafa verið í bænum um að erfiðlega gangi að fá smiði til starfa og að töluvert sé um svarta atvinnustarfsemi í þessum geira. „Ég heyri þennan orðróm jafn oft og mikið og aðrir, sögur um að ekki sé hægt að fá smiði til starfa því þeir séu svo uppteknir við annað. Vel má vera að í einhverjum tilvikum eigi það við, en kjósi byggingaverktakar að fá nöfn þeirra sem eru á skrá séu þeir að leita að starfsmönnum þá fá þeir þessi nöfn, hjá okkur eða Vinnumálastofnun. Ég veit til þess að vinnuveitendur hafa ekki í öllum tilvikum falast eftir þessum upplýsingum," segir Heimir.
Hann segir að eftir hrun hafi þó nokkur fjöldi smiða úr bænum leitað eftir atvinnu í útlöndum og viti hann til þess að marga langi að koma til starfa á heimaslóðum. „Ef til vill er að skapast tækifæri fyrir þessa menn að koma heim núna," segir Heimir. Hann segir að svört atvinnustarfsemi þrífist í öllum starfsgreinum og hafi gert, byggingaiðnaði líka. „Þetta er mjög slæmt fyrir samfélag sem er að ná sér upp úr kreppu. Starfsemi af þessu tagi grefur undan starfsskilyrðum þeirra fyrirtækja sem hún er í samkeppni við og er á allan hátt mjög neikvæð. Þetta er böl," segir Heimir. Hann bendir á að þó svo að mikil umræða sé um málið nú hafi hann á tilfinningunni að ekki hafi verið minna um svarta atvinnustarfsemi á góðæristímanum fyrir hrun, en andrúmsloftið í samfélaginu hafi þá verið annað en nú.
Allar ábendingar kannaðar
Soffía Gísladóttir framkvæmdastjóri Vinnumálastofnunar á Akureyri segir að fyrir liggi á stofnuninni nöfn þeirra sem eru á skrá og þangað geti vinnuveitendur leitað ef þeir eru að falast eftir starfsfólki. Í sumum tilvikum sé það elsta starfsfólkið í hverri grein sem sé á atvinnuleysisskrá og margir vilji síður ráða það til vinnu. „Svo er líka til í dæminu að þeir sem eru að ráða starfsfólk leita ekki til okkar, það er allur gangur á þessu," segir Soffía.
Hún bendir á að á vefsvæði Vinnumálastofnunar sé hnappur þar sem fólk geti komið á framfæri ábendingum um svarta atvinnustarfsemi og mikið séu um að almenningur sendi inn slíkar ábendingar. Eftirlitið sé virkt og allar ábendingar sem berast eru kannaðar að hennar sögn. Vinnustaðaskilríki sem tekin voru í notkun fyrr á árinu séu líka til bóta og bæði fulltrúar frá stréttarfélögum og skattinum hafi farið á vinnustaði og kallað eftir þessum skírteinum og sjái þannig hvort allir starfsmenn séu skráðir hjá fyrirtækinu.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
