Sveitarstjórnir ósáttar við þrengingu á Glerárgötu
Ákvörðun Akureyrarbæjar um að þrengja Glerárgötuna, sem er Þjóðvegur 1, er umdeild. Mynd/Þröstur Ernir
Athugasemdir hafi borist frá sveitarfélögum í Eyjafirði vegna tillögu Akureyrarbæjar um þrengingu Glerárgötu í fyrirliggjandi tillögu að aðalskipulagi bæjarins 2018- 2030. Sveitarstjórnir Dalvíkurbyggðar, Grýtubakkahrepps, Svalbarðsstrandarhrepps, Hörgárbyggðar og Eyjafjarðarsveitar gera Glerárgötu að umtalsefni í athugasemdum.
Í athugasemdum sveitarfélaganna segir m.a. að þrenging Glerárgötu varði hagsmuni allra íbúa við Eyjafjörð, sem og annarra sem eiga leið gegnum bæinn. Þannig mun þrengingin bitna á öllum íbúum og atvinnurekendum sveitarfélaganna sem leggja þurfi leið sína gegnum Akureyri.
Í svari Akureyrarbæjar við athugasemdunum segir að þrátt fyrir að Glerárgata verði þrengd geti hún samt sem áður annað mikilli umferð, og samkvæmt umferðarspá fram til ársins 2030 mun þrengingin ekki hafa teljandi áhrif á umferðarflæði um götuna. „Þjónustustig götunnar verður áfram gott, og ekki er líklegt að þrengingin skapi sérstök umferðarvandamál,“ segir m.a. í svari bæjarins.
Segir þrengingu götunnar sóun á skattfé
Gunnar Gíslason, bæjarfulltrúi Sjálfstæðisflokksins á Akureyri, gerir Glerárgötu að umtalsefni í grein sem hann skrifar í Vikudag sem kemur út í dag og gagnrýnir harðlega fyrirhugaða framkvæmd. „Það væri hrein sóun á skattfé Akureyringa að hliðra Glerárgötunni og þrengja hana. Það er mikilvægt að taka ákvörðun sem allra fyrst um að hætta við þessar framkvæmdir og endurskoða stærðir byggingarreita á Hofsbótarreitnum, þannig að hægt sé að fara að huga í alvöru að uppbyggingu þar, þegar byggingarframvæmdum á Drottningarbrautarreitnum lýkur. Þá verði einnig farið að huga að varanlegum leiðum til að auka umferðaröryggi gangandi og hjólandi vegfarenda. Þannig nýtum við skattfé á skilvirkan hátt,“ segir Gunnar m.a. í greininni.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.