Sveitarstjórnarmenn á Norðurlandi eystra gagnrýna fjögurra ára samgönguáætlun
Í samgönguáætlun fyrir árin 2015 til 2018 er ekki gert ráð fyrir að Dettifossvegur verði kláraður eins og áður hefur komið fram á dagsrain.is. Þetta gagnrýna sveitastjórnarmenn á Norðurlandi eystra og segja að vegurinn sé lykillinn að ferðaþjónustu sem nú þegar er byrjað að markaðssetja undir heitinu Demantshringurinn.
Þetta kemur fram í umsögnum við samgönguáætlun fyrir árin 2015 til 2018 sem nú er í meðförum Alþingis. Sveitarstjórn Skútustaðahrepps lýsir miklum vonbrigðum með þá forgangsröðun í samgönguáætlun að ekki sé gert ráð fyrir að lokið verði við Dettifossveg á tímabilinu. Vegurinn sé gríðarlega mikilvæg samgöngubót til að tengja saman byggðir á Norðausturhorninu og gegni veigamiklu hlutverki í áframhaldandi þróun ferðaþjónustu.
Stjórn Eyþings, sambands sveitarfélaga í Eyjafirði og Þingeyjarsýslum, gagnrýnir að hvorki sé gert ráð fyrir að ljúka við Dettifossveg né flughlað við Akureyrarflugvöll. Báðar framkvæmdir séu mikilvægar fyrir ferðaþjónustu og atvinnulíf á Norðurlandi eystra. Bæjarstjórn Akureyrar sendi inn svipaða umsögn. Í umsögninni er gagnrýnt að hvorki sé gert ráð fyrir að ljúka gerð flughlaðs né Dettifossvegar.
Til þess að fleiri flugvélar rúmist á Akureyrarflugvelli er nauðsynlegt að lokið verði við gerð flughlaðsins. Forsvarsmenn tveggja fyrirtækja lýstu því nýlega yfir að þeir hugleiddu að flytja starfsemi sína til Grænlands vegna þrengsla á flugvellinum. Keldhverfungar og fleiri vilja ljúka Dettifossvegi hið snarasta til að styrkja ferðaþjónustu og samgöngur. Vegurinn er hugsaður sem mikilvægur hluti af Demantshringnum svokallaða, um Ásbyrgi og Hljóðakletta, Dettifoss og Mývatn auk þess sem Goðafoss og Krafla eru í nágrenni við hringinn. /epe
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
