Stytting vinnuvikunnar dýrari en ráð var fyrir gert
mth@vikubladid.is
Halli á rekstri Heilbrigðisstofnunar Norðurlands, HSN á liðnu ári nam 28,7 milljónum króna. Samningar um styttingu vinnuvikunnar reyndust dýrari en áætlanir gerðu ráð fyrir og nýir samræmdir stofnanasamningar heilbrigðisstofnana á landsbyggðinni voru HSN kostnaðarsamir. Þá er viðvarandi vandi í rekstri hjúkrunardeilda. Þetta kom fram á ársfundi HSN sem haldinn var nýverið.
Nýtt fjármögnunarmódel gerir verulega hagræðingarkröfur á minni heilsugæslur HSN og kom fram á fundinum að erfiðlega hefur gengið að láta þær ganga upp og hagræða að fullu án þess að hafa veruleg áhrif á þjónustu. Verulega þarf að hagræða í rekstri HSN ef hann á að vera innan fjárlaga fyrir árið 2023 miðað við framlagt fjárlagafrumvarp.
Mikið álag á starfsfólki
Heimsfaraldur kórónuveirunnar hafði margvíslegt áhrif á starfsemi stofnunarinnar á síðastliðnu ári. Starfsmenn og skjólstæðingar þurftu að lúta sóttvarnarreglum og takmarkanir voru á heimsóknum til skjóltstæðinga. Mikið álag hefur verið á starfsmenn stofnunarinnar tengt faraldrinum og ekki síst tengt bólusetningum og sýnatökum sem þeir sinntu samhliða hefðbundnum verkefnum. Heildarsamskipti í heilsugæslunni, ótengt kóvid 19 verkefnum jukust á milli ára og hið sama má segja um rafræn samskipti í gegnum Heilsuveru.
Viðhaldsverkefni og nýjar heilsugæslustöðvar
Á vegum HSN var unnið að fjölmörgum viðhaldsverkefnum á liðnu ári. Endurbygging stendur yfir á sjúkrahúsinu á Siglufirði og einnig er unnið að endurbótum á hjúkrunardeild á Sauðárkróki auk ýmiskonar minni framkvæmda sem lokið var við. Þá var unnið að hönnun á nýju hjúkrunarheimili á Húsavík og jarðvegsvinna boðin út og kláruð.
Undirbúningur að byggingu tveggja nýrra heilsugæslustöðvar á Akureyri stóð yfir á liðu ári og var stöðin í Sunnuhlíð hönnuð í samstarfi við starfsfólk HSN. Einnig var haldið áfram undirbúningi við að byggja suðurstöðina á lóð við Þórunnarstræti, en það verkefni er í uppnámi vegna ágreinings ríkis og sveitarfélags um byggingu bílastæða.
Áskorun varðandi mönnun
Fram kom á ársfundi HSN að líkt og aðrar heilbrigðisstofnanir stendur hún frammi fyrir áskorun varðandi mönnun heilbrigðismenntaðs starfsfólks. Á flestum starfsstöðvum HSN hefur gegnið erfiðlega að ráða hjúkrunarfræðinga og er m.a. sérstaklega erfitt að fá hjúkrunarfræðinga í sumarafleysingar. Á ákveðnum starfseiningum hefur gengið ill að ráða í stöður heimilislækna.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir