Stórstjarna úr heimi áhættuíþrótta við tökur á nýrri þáttaröð á Íslandi
Mike Wilson er ein skærasta stjarnan í dag í heimi áhættuíþrótta. Hann skellti sér í geimbúning á Könnunarsögusafninum á Húsavík í gær. Mynd: Örlygur Hnefill Örlygsson.
Bandaríska sjónvarps- og kvikmyndaframleiðslufyrirtækið The Go Big Project var við tökur á Húsavík í gær 3. maí. Fyrirtækið er að framleiða 10 þátta sjónvarpsseríu fyrir sjónvarpsstöðina InsightTV. Dagskrain.is spurði Carlos Vargas framleiðanda þáttanna út í verkefnið: „Við erum nú að skoða marga staði í heiminum með það fyrir augum að taka upp þættina okkar og nú erum við á Íslandi við tökur á fyrstu 10 þátta sjónvarpsseríunni,“ sagði hann. Þættirnir sem hér um ræðir munu heita „Extreme Crossings: The Wilson Project“. Þættirnir verða teknir til sýningar síðar á þessu ári og verða sendir út til yfir 100 milljón heimila vítt og breitt um Evrópu, Rússland, Indland og víðar í Asíu.
Í þáttunum verður fylgst með Bandaríkjamanninum Mike Wilson sem er í dag ein skærasta stjarnan í heimi áhættuíþrótta (e. extreme sport). Í þáttunum mun Wilson sýna listir sínar í ýmsum greinum við erfiðar og framandi aðstæður s.s. kajakróður í sjó, fallhlífastökk, utanbrautar skíði og ýmislegt fleira.
Framleiðendur þáttanna fréttu af Könnunarsögusafninu á Húsavík þegar þeir voru komnir til Íslands. Þeim fannst það áhugavert og gerðu sér leið til Húsavíkur til að kvikmynda það í bak og fyrir. Stjarna þáttanna, Mike Wilson skellti sér m.a. í geimbúning sem er hluti af sýningu safnsins. Þá var rætt við Örlyg Hnefil Örlygsson og föður hans Örlyg Hnefil Jónsson, en þeir reka safnið. „Þetta var mikil taka, þeir voru að taka upp efni í næstum því 4 tíma hjá okkur,“ sagði Örlygur Hnefill yngri í samtali við dagskrain.is. Hann sagði jafnframt að þættirnir hefðu ákveðið könnuða þema og safnið félli vel inn í þá nálgun. „Þeir voru mjög forvitnir um sögu Vilborgar Örnu [Gissurardóttur, innsk. blm.] pólfara og ætluðu að reyna hafa upp á henni,“ sagði Örlygur. Það er því ljóst að Könnunarsögusafnið á Húsavík mun nema land víða um heim þegar þættirnir fara í dreifingu.
Til stóð að tekið yrði upp innslag fyrir þættina með Viking Heliskiing sem er fyrirtæki sem gert er út frá Ólafsfirði og bíður upp á ævintýraskíðaferðir þar sem flogið er með skíðafólk til fjalla í þyrlu. Veður setti hins vegar strik í reikninginn, ekki var hægt að fljúga í dag svo Bandaríkjamennirnir héldu áfram leið sinni og ætlunin var að halda tökum áfram á suðvesturhorni landsins. Nánar verður fjallað um málið í Skarpi sem kemur út á morgun. /epe.
-Skarpur, 5. maí
Hér að neðan má sjá Mike Wilson sveifla sér fram af klettum:
Nýjast
-
Samherji og Ice Fresh Seafood áberandi á Seafood Expo Global. „Allur fiskiheimurinn hittist á sama punktinum.“
Alþjóðlega sjávarútvegssýningin Seafood Expo Global í Barcelona á Spáni stendur yfir dagana 6.- 8. maí. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. -
Vegleg gjöf Oddfellowstúkanna styrkir líknarþjónustu SAk
Þann 30. apríl sl. komu fulltrúar allra fimm Oddfellowstúkanna á Akureyri saman og færðu Sjúkrahúsinu á Akureyri rausnarlega gjöf til stuðnings við líknarþjónustu sjúkrahússins. Heildarfjárhæð peningagjafarinnar nam 1.245.000 krónum og er hún ætluð til að bæta aðstöðu í nýju aðstandendaherbergi á lyflækningadeildinni. -
Líflínan
Í þessari viku legg ég fram þingsályktunartillögu sem snýr að því að tryggja áframhaldandi starfsemi Janusar endurhæfingar eða tryggja sambærilega geðendurhæfingu fyrir ungmenni með fjölþættan vanda. -
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar.