Stórsigur Þórs/KA á ÍR í efstu deild kvenna í knattspyrnu
Hann var ekki spennandi leikur Þórs/KA og ÍR í Pepsi-deild kvenna í knattspyrnu sem fram fór í Boganum í kvöld. Yfirburðir heimastúlkna voru algjörir og höfðu þær þegar yfir lauk skorað 11 mörk gegn engu gestanna. Það tók Þór/KA ekki nema 45 sekúndur að skora og var þar að verki Vesna Smiljkovic eftir fyrirgjöf frá Rakel Hönnudóttur.
Næstu mínútur vörðust ÍR-stúlkur vel en þær urðu fyrir miklu áfalli á 17 mínútu þegar varnarmaður þeirra var rekinn af velli með rautt spjald fyrir að fella Mateju Zver sem var komin ein í gegnum vörn gestanna. Á 25. mínútu skoraði Rakel Hönnudóttir mark eftir sendingu frá Vesnu og þær tvær léku svo nánast nákvæmlega sama leik á 34. mínútu þegar Rakel skoraði sitt annað mark. Á 39. mínútu bætti Mateja Zver við marki eftir aukaspyrnu frá Bojönu Besic og á 47. mín. skoraði Mateja sitt annað mark eftir hornspyrnu Vesnu. Staðan í hálfleik 5-0.
Þór/KA slakaði síður en svo á klónni í síðari hálfleik enda stolt liðsins illa sært eftir slæmt tap í fyrsta leik fyrir Breiðabliki. Mateja skoraði sitt þriðja mark á 51. mínútu með vippu utan teigs yfir markvörð ÍR-inga sem hafði hætt sér of framarlega og Rakel Hönnudóttir skoraði sitt þriðja mark á 54. mínútu með skalla eftir fyrirgjöf frá Rakel Hinriksdóttur. Nokkru síðar eða á 75. mínútu bætti Rakel Hönnudóttir svo við fjórða marki sínu og áttunda marki Þórs/KA með skalla eftir fyrirgjöf Elvu Friðjónsdóttur. Elva var svo sjálf á ferðinni mínútu síðar með níunda markið eftir sendingu frá Mateju Zver sem hefði einnig auðveldlega getað skorað sjálf.
Undir lokin komu svo tvö mörk, hið fyrra skoraði Arna Sif Ásgrímsdóttir með skalla eftir fyrirgjöf Vesnu og Rakel Óla Sigmundsdóttir skoraði ellefta mark Þórs/KA eftir sendingu frá Rakel Hönnudóttur.
Eins og tölurnar gefa til kynna var leikurinn mjög ójafn og mótstaðan fyrir Þór/KA lítil. Það verður hins vegar að taka fram að þær spiluðu eins og sannkallað stórlið í kvöld, lið sem valdið hefur og er skemmst að minnast þess að þær voru sjálfar fyrir einungis tveimur til þremur árum í sömu sporum og ÍR í kvöld og breytingin á liðinu því virkilega ánægjuleg.
Nýjast
-
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin.