Stórhátíð á Akureyri um helgina í tilefni sjómannadagsins
Blásið verður til stórhátíðar á Akureyri í tilefni sjómannadagsins í ár. Sjómannadagurinn sjálfur, sunnudaginn 5. júní, ber hæst en hann hefst með sjómannamessu í bæði Glerárkirkju og Akureyrarkirkju.
Hátíðardagskráin fer fram við Menningarhúsið Hof, Torfunefsbryggju og Torfunef – nýjustu bryggju Akureyrar. Þar munu sjómenn og landkrabbar etja kappi í sígildum koddaslag og óhefðbundnum kappróðri og þyrla Landhelgisgæslunnar sýnir björgun úr sjó.
Söngvaborg með þeim Maríu söngkonu og Björgvini Frans leikara taka lagið með yngstu kynslóðinni og Wally trúður kemur í heimsókn. Friðrik Dór og Jón Jónsson stíga á stokk og taka nokkur lög. Lúðrasveit Akureyrar og Kvennakór Akureyrar koma einnig fram auk nemenda frá Steps Dancecenter sem sýna atriði úr danssýningu þeirra Úr bók í Bíó.
Börnin fá tækifæri til að leika sér í hoppikastala og boðið verður uppá grillaðar pylsur um leið og sígild sjómannalög hljóma um allan fjörð þegar harmonikkuleikarar þenja nikkurnar við bryggjuna.
Eyfirðingum og gestum þeirra verður boðið að sigla með Húna II, Ambassador og Hafsúlunni frá Torfunefsbryggju að Sandgerðisbót og þaðan verður hópsigling smábáta tilbaka að Torfunefsbryggjunni. Auk þess má nefna að mótorhjólaklúbburinn Tían verður með hópakstur að Hofi til heiðurs sjómönnum.
Álftagerðisbræðurnir Óskar og Pétur Péturssynir syngja af sinni alkunnu snilld um borð í Húna II að kvöldi föstudags og á laugardeginum kynnir Siglingarklúbburinn Nökkvi, ásamt skútueigendum í firðinum, siglingar og áhugasömum gestum er velkomið að prófa kappróðrabát.
Hátíðin í ár er samsett úr tveimur hátíðum sem haldnar hafa verið síðustu ár; Sjómannadeginum og Einum á báti. Það er Viðburðastofa Norðurlands sem heldur um taumana í ár í góðri samvinnu við aðstandendur hátíðanna tveggja.
Það er því skemmtilegur sjómannadagur á Akureyri framundan þar sem landkrabbar og sjómenn ásamt fjölskyldum þeirra gleðjast saman.
Vert er að vekja athygli á því að settur verður upp léttur og skemmtilegur markaður á laugardeginum á Ráðhústorgi og eru áhugasamir sem hafa eitthvað forvitnilegt, bragðgott og skemmtilegt að selja hvattir til að hafa samband við Viðburðarstofu Norðurlands info@vidburdarstofa.is.
Nýjast
-
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1. -
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí.
