Stjórn Vaðlaheiðarganga tekur áhættu og lánar fyrir flutningum á efni í flughlaðið
Vinna hefur hafist á ný við við nýtt flughlað á Akureyrarflugvelli. Mikið efni hefur þegar verið flutt af framkvæmdasvæðinu við Vaðlaheiðargöng og verður því haldið áfram á næstu dögum. Nú þegar er búið að grafa um 75% af lengd ganganna og búist er við að slegið verði í gegn um áramót. Þetta kemur fram í hugleiðingum Njáls Trausta Friðbertssonar bæjarfulltrúa á Akureyri á Facebooksíðu hans.
„Þannig að ef það á að takast að klára nýtt flugvallarhlað úr efni sem kemur úr göngunum þá þarf nánast allt efnið sem eftir er að falla til að nýtast í nýtt flugvallarhlað,“ segir í hugleiðingunni.
Flughlaðið á Akureyrarflugvelli hefur verið mikið í umræðunni undanfarið þar sem ekki er gert ráð fyrir fjármögnun þess í samgönguáætlun en það hefur verið harðlega gagnrýnt. Fjármögnun verkefnisins er því ekki komin á hreint ennþá. Stjórn Vaðlaheiðarganga virðist því vera að taka ákveðna áhættu með því að lána fyrir flutningum á efni í flughlaðið úr gangagerðinni án nokkurrar vissu um það hvort félagið fái greitt til baka,- veltir Njáll fyrir sér.
„Það er flestum ljóst að ríkið sparar háar upphæðir með að klára verkefnið með ódýru efni úr gangnaframkvæmdunum í Vaðlaheiði. Á mun hagstæðari verðum heldur en bjóðast almennt í dag á Akureyrarsvæðinu,“ segir í jafnframt í hugleiðingunni, en hana má lesa í heild sinni hér að neðan. /epe.
"Í gær hófst á ný vinna við nýtt flughlað á Akureyrarflugvelli. Í vetur voru um 50.000 m3 fluttir í flughlaðið af framkvæmdasvæðinu við Vaðlaheiðagöngin. Núna á næstu dögum og vikum verða 20.000m3 fluttir í viðbót. Þá verður efnismagnið komið í 70.000m3 þá vantar enn um 100.000m3 af efni til að klára þennan þátt verkefnisins.
Í dag er búið að sprengja (grafa) um 75% af lengd ganganna. Þannig að léttur hugarreikningur segir okkur að 125.000m3 af efni eru eftir að koma út úr göngunum. Reiknað er með að það verði slegið í gegn í kringum áramót.
Þannig að ef það á að takast klára nýtt flugvallarhlað úr efni sem kemur úr göngunum þá þarf nánast allt efnið sem eftir er að falla til að nýtast í nýtt flugvallarhlað.
Það hefur í sjálfu sér engin breyting á orðið á fjármögnun flughlaðsins og ekki er gert ráð fyrir framkvæmdinni í samgönguáætlun sem væntanlega verður samþykkt í ágúst/sept. Stjórn Vaðlaheiðarganga er því að taka áhættu með þessu þar sem hún er að taka á sig fjárhagslega skuldbindingar með að lána fyrir flutningnum á efninu upp á von og óvon að fá greitt til baka.
Það er flestum ljóst að ríkið sparar háar upphæðir með að klára verkefnið með ódýru efni úr gangnaframkvæmdunum í Vaðlaheiði. Á mun hagstæðari verðum heldur en bjóðast almennt í dag á Akureyrarsvæðinu.
Svona skil ég stöðu málsins í dag, gott fólk".
Nýjast
-
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí. -
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka.
