Steypireyðarsýning formlega opnuð
Á alþjóðlega safnfdeginum 18. maí, var steypireyðarsýning Hvalasafnsins á Húsavík formlega opnuð, þó hún hafi raunar verið opin að undanförnu, en upphafleg vígsla fór út um þúfur vegna veðurteppu helstu gesta á sínum tíma. En nú var Illugi Gunnarsson menntamálaráðherra mættur og opnaði sýninguna með því að klippa á fagurrrauðan borða með beinagrind af stærstu skepnu jarðarinnar sér að baki.
Huld Hafliðadóttir, verkefnastjóri Hvalasafnsins, ávarpaði gesti og sagði að þetta væru tímamót, sýningin væri stærsta verkefni sem safnið hefði ráðist í. Hún sagði að þessi sýning væri og yrði í stöðugri þróun og hér væri ekki aðeins verið að sýna þessa gríðargrind, einnig yrði fjallað um hvalreka að fornu og nýju og þýðingu þeirra fyrir þjóðina.
Hún lauk lofsorði á alla sem að verkefninu hefðu komið, en tiltók sérstaklega Þorvald hamskera Björnsson, “hann Dodda okkar” og Þórarinn Blöndal, sem sáu um hönnun og uppsetningu. “Þetta er stórkostleg sýning og á heimsmælikvarða - að okkar mati.” Sagði Huld.
Menntamálaráðherra óskaði starfsfólki og heimamönnum öllum til hamingju með þennan áfanga. Málið hefði átt sér langan aðdraganda frá því hvalinn rak á land 2010 og m.a. orðið deilur um staðarval. Þetta hefði eitt af fyrstu málum sem komu inn á hans borð sem menntamálaráðherra. Og það hefði ekki verið erfið ákvörðun að velja grindinni stað á Húsavík, til þess hefðu flest rök hnigið, þetta glæsilega safn til staðar, landsbyggðarrök og einnig hefðu sjónarmið ferðaþjónustu hér ráðið ýmsu. Þá hefði það ekki spillt fyrir að njóta stuðnings fyrrverandi forsætisráðherra í málinu. /JS
- Skarpur, 19. maí
Nýjast
-
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu. -
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr. -
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1.
