Stefnt að fjölbreyttri dagskrá á 150 ára afmælisári Akureyrarkaupstaðar
Akureyrarkaupastaður verður 150 ára á næsta ári og undanfarna mánuði hefur starfað sérstök afmælisnefnd við undirbúning. Formaður hennar er Tryggvi Gunnarsson bæjarfulltrúi L-listans en með honum í nefndinni eru þær Helena Þ. Karlsdóttir lögmaður og Úlfhildur Rögnvaldsdóttir formaður Félags verslunar- og skrifstofufólks Akureyri og nágrenni.
Nefndin mun starfa til loka afmælisársins, en í erindisbréfi sem bæjarráð staðfesti segir: "Það er vilji bæjarráðs að sem flestir komi að hátíðarhöldum og verkefnum í tilefni afmælisársins og að stofnanir og félög sem njóta styrkja frá Akureyrarbæ noti hluta af þeim til viðburða í tengslum við afmælisárið. Bæjarráð beinir því jafnframt til deilda og stofnana bæjarins og allra sem málið varðar að reikna með afmælisárinu í skipulagningu verkefna ársins 2012."
Tryggvi formaður segir að undirbúningur sé í fullum gangi en að verkefnið sé mjög viðamikið. Við höfum lagt mesta áherslu á það að vekja athygli á afmælisárinu en markmiðið er að vera með fjölbreytta dagskrá í boði allt árið. Þetta er vissulega stór viðburður og við viljum því fá sem allra flesta til þess að taka þátt. Við eigum við að vera stolt af bænum okkar og nýta þessi tímamót til góðra verka.
Afmælisdagur bæjarins er 29. ágúst og segir Tryggvi ráðgert að aðalhátíðarhöldin verði í 10 daga í kringum afmælisdaginn. Minjagripaverkefni er í gangi og þá er í gangi samkeppni um afmælismerki bæjarins, sem nota á yfir allt árið. Auk þess sem vonast er eftir þátttöku félaga og stofnana, segir Tryggvi að horft sé til þess að nýta hverfisnefndirnar, t.d. með hverfishátíðum, enda eigi öll hverfin sína sögu. Í boði sé fjölbreytt afþreying og að þar megi bæta við og þá geti fyrirtæki jafnframt nýtt sér þennan viðburð á ýmsan hátt. Hér eru glæsileg matvælafyrirtæki sem gætu t.d. boðið upp á sérstakar afmælisvörur. Við erum að bjóða heim í heilt ár, Akureyri er í tísku, okkur er að fjölga og við eigum að halda því vel á lofti, segir Tryggvi.
Með afmælisnefndinni starfa þrír embættismenn, þau Hulda Sif Hermannsdóttir á Akureyrarstofu, Pétur Bolli Jóhannesson skipulagsstjóri og Sigríður Stefánsdóttir verkefnastjóri hjá Akureyrarbæ en hún er jafnframt framkvæmdastjóri afmælisársins.
Nýjast
-
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1. -
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí.
